មហាជននិយមតាមដានស្តាប់បទចម្រៀងនៅលើបណ្តាញសង្គម Youtube ជាច្រើន ច្បាស់ជាបានជ្រាបច្បាស់មកហើយពីអត្ថន័យនៃការជាប់ Copy Right បទចម្រៀង ហើយរឿងនេះ ក៏មិនមែនជាលើកទី ១ នោះទេ ដែលមានបទចម្រៀង Cover ជាច្រើនត្រូវបានលុបចេញពី Youtube ខណៈផ្ទុះការគាំទ្រចូលទស្សនាច្រើនជាងបទម្ចាស់ដើមនោះ។
ជុំវិញរឿងរ៉ាវខាងលើនេះដែរ ក៏រមែងបានឃើញមានមហាជនជាច្រើនបានលើកឡើងថា មូលហេតុដែលចម្រៀង Cover ត្រូវបានលុបចេញពី Youtube ក្រោយមានអ្នកទស្សនាច្រើនជាងបទរបស់ម្ចាស់ដើម អាចត្រូវម្ចាស់ដើមជាអ្នកលុបក៏ថាបាន ព្រោះឃើញបទ Cover មានអ្នកចូលស្ដាប់ច្រើនជាង ឬអាចមកពីមូលហេតុផ្សេងទៀត ។-ល-។
យ៉ាងណាមិញ ថ្មីៗនេះ ក៏ផ្ទុះការវែកញែករឿងខាងលើជាថ្មី ស្រាប់តែឃើញតារាស្រីពហុជំនាញអ្នកនាង ខាត់ សុឃីម ក៏បានចេញមកបញ្ចេញមតិដូចគ្នាដែរ ខណៈមតិអ្នកនាងហាក់ជួយលើកទឹកចិត្តទៅខាងម្ចាស់ដើម។
ក្នុងនោះ អ្នកនាង ខាត់ សុឃីម បានលើកឡើងចំនួន ២ វីដេអូផ្សេងគ្នា ដោយវីដេអូទី ១ អ្នកនាង សួរនាំទៅកាន់អ្នកចេះរៀបរៀងចម្រៀងនៅលើ Youtube លើបណ្តាញសង្គម ឧទាហរណ៍អ្នក Cover បទរបស់គេ មានសិទ្ធិបិទបទរបស់ម្ចាស់ដើម ឬយ៉ាងណា? ព្រោះពេលខ្លះ ម្ចាស់ដើមចង់យកបទរបស់ខ្លួនមកផុស បែរជាជាប់ Copy Right ទៅវិញ។ រីឯវីដេអូទី ២ អ្នកនាង បានបន្ថែមថា «អ្នកផលិតបានតែផលិត ហើយអ្នក Cover ស្នាដៃរបស់គេ គាត់បានផលចឹងទៅ?»៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
