និយាយដល់តារាប្រុសរូបសង្ហា រតនៈ វិសិដ្ឋ មហាជនសុទ្ធសឹងតែស្គាល់ហើយថាលោកជាពិធីករ និង តារាសម្ដែងប្រុសមួយរូបធ្លាប់ឆក់បានប្រជាប្រិយភាពខ្លាំងជាមួយសមត្ថភាពលើវិស័យសិល្បៈរបស់លោក ដោយពេលនេះអាចចាត់ទុកជាសិល្បករមួយរូបជោគជ័យទាំងសិល្បៈ និង មានជីវិតឯកជនមិនធម្មតាដែរ ដោយភាគច្រើនឃើញលោកចូលចិត្តដើរកម្សាន្ត និង រស់នៅក្រៅប្រទេសយ៉ាងរីករាយ។
បើចាប់អារម្មណ៍លើរឿងរ៉ាវឯកជនទាក់ទងនឹងស្នេហាវិញ តារាប្រុសរូបសង្ហា រតនៈ វិសិដ្ឋ កន្លងមកក៏មិនសូវឃើញបង្ហាញពីចំណងស្នេហ៍ជាមួយនារីរូបណា ឬប្រកាសទំនាក់ទំនងស្នេហាឡើយ ដោយភាគច្រើនបង្ហាញតែសកម្មភាពការងារសិល្បៈ និង ជីវិតរស់នៅក្រៅប្រទេសជួបជុំមិត្តភក្តិ បងប្អូនផ្សេងៗប៉ុណ្ណោះ។
ដោយឡែក ថ្មីៗនេះ តារាសម្ដែងប្រុស រតនៈ វិសិដ្ឋ បានធ្វើឱ្យមហាជនអ្នកគាំទ្រចាប់អារម្មណ៍ខ្លាំង ខណៈបានឃើញលោកបង្ហោះរូបភាពមួយសន្លឹកជាមួយស្រីស្អាតម្នាក់ ដែលគេស្គាល់ថាជា MC ជនជាតិវៀតណាមដ៏ស្រស់ស្អាត ដោយក្នុងនោះ ពិធីកររូបនេះក៏បានបញ្ជាក់ក្នុងខមមិនឱ្យដឹងថាជាមិត្តស្រីទៀតផង៕
