នៅថ្ងៃទី ១១ ខែសីហា ឆ្នាំ ២០២៥ ប្រធានអង្គភាពប្រឆាំងអំពើពុករលួយ (ACU) លោកទេសរដ្ឋមន្រ្តី ឱម យ៉ិនទៀង បានចេញសេចក្តីសម្រេចផ្អាកមុខងារលោក ស៊ាន បូរ៉ាត ពីអនុប្រធានអង្គភាពប្រឆាំងអំពើពុករលួយ។
លោក ស៊ាន បូរ៉ាត
យោងតាមសេចក្តីសម្រេចរបស់លោកទេសរដ្ឋមន្រ្តី ឱម យ៉ិនទៀង នៅល្ងាចថ្ងៃទី ១១ ខែសីហា ឆ្នាំ ២០២៥ នេះ បានបញ្ជាក់ថា ត្រូវផ្អាកមុខងារលោក ស៊ាន បូរ៉ាត អនុប្រធានអង្គភាពប្រឆាំងអំពើពុករលួយ ហើយលោក ស៊ាន បូរ៉ាត ត្រូវមកបង្ហាញខ្លួនរៀងរាល់ថ្ងៃធ្វើការនៅអង្គភាព។
ឧកញ៉ា ឡេង ចាន់ណា
អង្គភាពប្រឆាំងអំពើពុករលួយ បានបញ្ជាក់ឱ្យបានដឹងថា កាលពីថ្ងៃនៅថ្ងៃទី ០៣ ខែកក្កដា ឆ្នាំ ២០២៥ អង្គភាពប្រឆាំងអំពើពុករលួយ (ACU) បានបើកការស៊ើបអង្កេតទៅលើលោក ស៊ាន បូរ៉ាត រដ្ឋលេខាធិការក្រសួងអប់រំ យុវជន និងកីឡា និង ជាអនុប្រធានអង្គភាពប្រឆាំងអំពើពុករលួយ និង ឧត្តមសេនីយ៍ឯក ស ថាវី អនុរដ្ឋលេខាធិការក្រសួងការពារជាតិ ដែលពាក់ព័ន្ធនឹងសំណុំរឿងជាមួយអតីតឧកញ៉ា ឡេង ចាន់ណា ករណីឆបោកទ្រង់ទ្រាយធំនៅខេត្តកំពង់ធំ និង ខេត្តសៀមរាប ដែលមានអ្នកចាញ់បោករាប់ពាន់នាក់ និង គិតជាទឹកប្រាក់រាប់លានដុល្លារ៕
