មហាជនអ្នកគាំទ្រវិស័យបវរកញ្ញាច្បាស់ជាបានជ្រាបហើយពីកញ្ញា ហង្ស សុរិយ៉ាន់ ដែលអាចចាត់ទុកជាតារាម៉ូឌែល និង ជាបវរកញ្ញាមានបទពិសោធន៍ច្រើនលើវិស័យនេះ ខណៈនាងបានឆ្លងកាត់ការប្រកួតប្រជែងក្នុងកម្មវិធីជាច្រើនកន្លងមក ព្រមទាំងធ្លាប់ក្ដោបបានតំណែងជាម្ចាស់មកុដ និង ជ័យលាភីរងល្អៗ ដោយការប្រកួតចុងក្រោយក្នុងឆ្នាំ ២០២៤ ជាប់ជា Top 5 នៃ MUC 2024។
មកដល់ពេលនេះ កញ្ញា ហង្ស សុរិយ៉ាន់ នៅតែជាបវរកញ្ញាមួយរូបមានសក្កានុពលក្នុងចិត្តមហាជនអ្នកគាំទ្រដដែល ដោយអ្នកគាំទ្រនៅតែចូលចិត្តតាមដានពីសកម្មភាពរបស់នាង មិនថាចូលរួមកម្មវិធីបវរកញ្ញា ដើរម៉ូត ឬសកម្មភាពផ្សេងៗលើបណ្ដាញសង្គម។
យ៉ាងណាមិញ មកដល់មួយរយៈថ្មីនេះ កញ្ញា ហង្ស សុរិយ៉ាន់ កាន់តែធ្វើឱ្យមហាជនអ្នកគាំទ្រចាប់អារម្មណ៍ ជាពិសេសលើរូបសម្រស់របស់នាង ខណៈឃើញនាងបង្ហាញរូបភាពថ្មីៗ ក្រោយពីសំងំថែសម្រស់ ថែរូបរាងហាត់ប្រាណយករាងរៅបន្ថែម កាន់តែហ្គោលស្អាតប្លែក និង ក្មេងជាងមុនទៅទៀត។ ស្របពេលគ្នានេះ កញ្ញា ហង្ស សុរិយ៉ាន់ ក៏ត្រូវបានមហាជនអ្នកគាំទ្រជាច្រើនរបស់នាង កំពុងជំរុញលើកទឹកចិត្តឱ្យនាងវិលចូលវិស័យបវរកញ្ញាជាថ្មី ប្រកួតក្នុងកម្មវិធីណាមួយទៀតផង៕
