កន្លងមកមហាជនអ្នកគាំទ្រកំពូលតារាចម្រៀងរ៉េប វណ្ណដា ច្បាស់ជាបានជ្រាបមកហើយពីភាពល្បីល្បាញក្នុងការផលិតចម្រៀងក្នុងវិស័យឧស្សាហកម្មតន្ត្រីរ៉េប។ លើសពីនោះ មិនត្រឹមតែជាតារាចម្រៀងរ៉េបទេ វណ្ណដា ក៏ត្រូវបានចាត់ទុកជាតារាចម្រៀងគំរូមួយរូប ដែលមានតារាចម្រៀងរ៉េបស្រករមុន ស្រករក្រោយជាច្រើនទៀត រៀនសូត្រតាមក្នុងវិស័យចម្រៀងនេះ។
ជាក់ស្តែង ក្រឡេកទៅមើល លោក មេសា ដែលត្រូវបានគេស្គាល់ថាជាជំនួយការរបស់លោក វណ្ណដា ផ្ទាល់វិញនោះ ក៏មានឱកាសក្នុងការបង្ហាញសមត្ថភាពក្នុងវិស័យចម្រៀងរ៉េប ដោយលោកត្រូវបានហ្វឹកហាត់ និង បង្រៀនពីលោក វណ្ណដា ផ្ទាល់។
កាលពីអំឡុងខែកុម្ភៈ ឆ្នាំ ២០២៤ កន្លងទៅ មេសា បានបញ្ចេញបទចម្រៀងដំបូងរបស់លោក ដោយបកស្រាយរួមគ្នានឹងលោក វណ្ណដា មានចំណងជើងថា «ដូចមេ» ទទួលបានការគាំទ្រយ៉ាងខ្លាំងពីយុវវ័យ។
ក្រោយរយាលនៃការចេញចម្រៀង និង សំងំហ្វឹកហាត់បន្ថែមមួយរយៈ ថ្មីៗនេះ លោក មេសា ក៏បានបញ្ចេញចម្រៀងថ្មីមួយបទទៀតហើយមានចំណងជើងថា «អត់ពន្ធ» ក៏កាន់តែផ្ទុះការគាំទ្រពីសំណាក់មហាជន និង សរសើរពីសមត្ថភាពរបស់លោកដែរ។
ងាកទៅកាន់អាជីពក្រៅសិល្បៈវិញ កន្លងមកអ្នកគាំទ្រច្បាស់ជាបានដឹងហើយថា លោក មេសា បានបង្កើតប្រ៊េនអាវផ្ទាល់ខ្លួនដោយមានយីហោ «420»។ យ៉ាងណាមិញ ថ្មីៗនេះ លោក មេសា ក៏បានធ្វើឱ្យអ្នកគាំទ្រចាប់អារម្មណ៍ដល់កំលោះវ័យក្មេងរូបនេះជាថ្មី ខណៈលោកបានបង្កើត Fashion អាវយឺតថ្មីរបស់ខ្លួន និង កំពុងដាក់លក់ មានការគាំទ្រពីយុវវ័យយ៉ាងច្រើន៕
សូមចុចទីនេះ ដើម្បីទស្សនាវីដេអូ៖
