រយៈពេលជិត ៤ ឆ្នាំមកហើយ ដែលតារាចម្រៀងស្រី Original Song ដ៏មានប្រជាប្រិយភាព អេដា បានឃ្លាតកាយឆ្ងាយសិល្បៈ ក្រោយពីនាងបានចាប់ដៃសាងគ្រួសារនឹងស្វាមីជាអណិកជនអាមេរិក ដែលមកដល់ពេលនេះ ទទួលបានកូនប្រុសដ៏គួរឱ្យស្រឡាញ់ម្នាក់មានអាយុជាង ៣ ឆ្នាំហើយ។
ពិតណាស់ ចំពោះជីវិតឯកជនរបស់តារាចម្រៀងស្រី អេដា ប៉ុន្មានឆ្នាំមកនេះ អ្នកនាងទទួលបានជីវិតគ្រួសារដ៏កក់ក្ដៅមួយ ដែលតែងស្ដែងពីក្ដីសុខនៃគ្រួសារតូចរបស់អ្នកនាង មានកូនប្រុសបណ្ដូលចិត្ត និង ស្វាមីដ៏ល្អ ស្រឡាញ់មើលថែ ថ្នាក់ថ្នមនាងដូចជាព្រះនាង។ លើសពីនេះ អ្នកនាង អេដា ក៏តែងបង្ហាញសកម្មភាពដើរកម្សាន្តជុំគ្រួសារ ឡើងចុះសហរដ្ឋអាមេរិក និង ប្រទេសផ្សេងៗបន្តបន្ទាប់។
ជាក់ស្ដែង ថ្មីៗកន្លងទៅ តារាចម្រៀងស្រី អេដា ក៏បានបង្ហាញពីសកម្មភាពនៃជីវិតឯកជនរបស់នាង ហាក់កាន់តែឃ្លាតឆ្ងាយពីវិថីសិល្បៈ និង ស្រុកកំណើត ខណៈអ្នកនាង និង គ្រួសារ កំពុងចាយជីវិតយ៉ាងអភិជនរស់នៅលើទឹកដីប្រទេសអេហ្ស៊ីបមួយរយៈមកហើយ៕
