ថ្មីៗនេះសារព័ត៌មាន LADBIBLE បានចែករំលែកពីករណីមួយ គឺជាការរលាកស្បែកដ៏ធ្ងន់ធ្ងរមួយរបស់ក្មេងស្រីជនជាតិអង់គ្លេសម្នាក់ ដែលបង្កមកពី Slime ជារបស់ក្មេងៗនិយមលេងយ៉ាងខ្លាំង។
ក្មេងស្រីរូបនេះមានវ័យ ៩ ឆ្នាំ ហើយបើតាមម្តាយនាងបានរៀបរាប់ឱ្យដឹងថា កូនស្រីរបស់ខ្លួនបានចាប់ផ្តើមលេង Slime នៅក្នុងរដូវក្តៅតាំងពីឆ្នាំ ២០២៣ កន្លងទៅ ក្រោយពីនោះមិនយូរប៉ុន្មានកូនស្រីក៏ចាប់ផ្តើមមានកន្ទួលរមាស់ពេញខ្លួន។ ម្តាយក៏បានប្រញាប់នាំទៅពេទ្យ តែអាការរបស់កូនក៏ធ្ងន់ធ្ងរទៅៗ រហូតដល់ដើរលេងកើត ហើយពេទ្យបានឱ្យដឹងថា នាងបានឆ្លងមេរោគយ៉ាងធ្ងន់ធ្ងរ និង ជំងឺសើរស្បែករបស់នាង គឺ (Eczema) បានលាប់ឡើងវិញ។
យ៉ាងណាមិញ ម្តាយរបស់ក្មេងស្រីរូបនេះ ពិតជាមានការពិបាកចិត្ត និង តប់ប្រមល់អាណិតកូនជាខ្លាំង ដោយសារតែគេត្រូវឈឺចាប់ជាមួយរបួសធ្ងន់ធ្ងរនៅលើស្បែក ហើយថែមទាំងត្រូវផ្អាកការសិក្សា និង លែងបានចេញទៅលេងនៅខាងក្រៅដូចក្មេងដទៃទៀត។ យ៉ាងណាក៏ដោយ ក៏ម្តាយរូបនេះនៅតែព្យាយាមរកវិធីព្យាបាលឱ្យកូនបានជាសះស្បើយដូចដើមដែរ៕
ប្រភព៖ Sanook
