នៅថ្ងៃទី ២៤ ខែកក្កដា ឆ្នាំ ២០២៥ នេះ ទាហានថៃបានបើកការវាយប្រហារមកលើកងកម្លាំងឈរជើងកម្ពុជា ដោយចាប់ផ្តើមពីប្រាសាទតាមាន់ធំ បន្តទៅតាមព្រំដែន ហើយភាគីថៃបានឈានដល់ប្រើប្រាស់យន្តហោះចម្បាំង F-16 របស់ខ្លួនចំនួន ៦ គ្រឿងមកឈ្លានពានលើដីកម្ពុជាទៀត។
យ៉ាងណាមិញ បន្ទាប់ពីតទល់គ្នាអស់រយៈពេលជាច្រើនម៉ោង មានព័ត៌មានបានចែកចាយថា យន្តហោះ F-16 របស់ថៃត្រូវបានបាញ់ទម្លាក់ តែពេលនេះផេកកងទ័ពភូមិភាគ ២ របស់ថៃ បានផុសនៅតាមបណ្តាញសង្គមថា យន្តហោះ F-16 មិនត្រូវបានកម្ពុជាបាញ់ទម្លាក់ទេ ហើយក៏មិនបានគេចទៅណាដែរ គ្រាន់តែបានត្រឡប់មកផ្ទះសិនវិញយ៉ាងសុវត្ថិភាព ដើម្បីមកដាក់គ្រាប់បន្ថែម ហើយនឹងត្រឡប់ទៅតស៊ូទៀត។
ដោយឡែក ផេកនេះបានប្រាប់ឱ្យប្រជាជនថៃរម្ងាប់អារម្មណ៍កុំជ្រួលច្របល់ ហើយឱ្យនៅតែបន្តលើកទឹកចិត្តដល់កងទ័ពថៃ ក៏ដូចជាអ្នកបើកបរយន្តហោះចម្បាំង ដើម្បីការពារអធិបតេយ្យភាពដែនដីរបស់ខ្លួន៕
ប្រភព៖ AMARINTV
