នៅថ្ងៃទី ១៧ ខែកុម្ភៈ ឆ្នាំ ២០២៥ តាមរយៈក្រុមប្រឹក្សាកុមារប្រចាំ វិ.ហ៊ុនសែនឈើទាល នៅភូមិសាស្ត្រខេត្តតាកែវ បានបញ្ជាក់ថាខាងក្រុមប្រឹក្សាកុមារ បានរកឃើញសារធាតុញៀនមួយទៀត ដែលក្មេងៗភាគច្រើនបានទិញយកមកដំឱ្យម៉ដ្ឋ ហើយដាក់ទុយោបឺតឱ្យចេញផ្សែង។
ទន្ទឹមនឹងនោះ ក្រុមប្រឹក្សាកុមារប្រចាំ វិ.ហ៊ុនសែនឈើទាល បានបញ្ជាក់ថាចំពោះរឿងនេះ លោកនាយកវិទ្យាល័យ បានផ្សព្វផ្សាយដល់សិស្សានុសិស្សកុំឱ្យទិញ ប្រសិនបើសាលារកឃើញថាសិស្សណាទិញ នឹងត្រូវលុបឈ្មោះចេញពីសាលា។
តាមប្រភពបានឱ្យដឹងទៀតថា ស្ករគ្រាប់មួយប្រភេទនេះគឺជាសារធាតុញៀន ហើយក្រុមប្រឹក្សាកុមារ បានទិញមកពីខាងក្រៅ យកមកផ្សព្វផ្សាយកុំឱ្យសិស្សានុសិស្សទិញ ឬ ប្រើប្រាស់វា ព្រោះវាប៉ះពាល់ដល់សុខភាពរាងកាយរបស់មនុស្ស នៅពេលហូប ឬ ប្រើប្រាស់វា៕
