កាលពីខែធ្នូ ឆ្នាំ ២០២៤ កន្លងទៅ អ្នកគាំទ្រពិតជាមានការព្រួយបារម្ភខ្លាំងចំពោះតារាស្រី Zhao Lusi បន្ទាប់ពីមានព័ត៌មាននាងបានធ្លាក់ខ្លួនឈឺធ្ងន់ធ្ងរ រហូតដល់ត្រូវសម្រាកព្យាបាលខ្លួនរាប់ខែគួរឱ្យអាណិត។
យ៉ាងណាមិញ ជំងឺរបស់នាងត្រូវបានគេដឹងថាទាក់ទងនឹងសរសៃឈាមខួរក្បាល ដែលបង្កឱ្យមិនអាចដើរបាន និង និយាយបានមួយរយៈ តែនាងក៏ខំព្យាបាលថែខ្លួនយ៉ាងត្រឹមត្រូវ ដោយមានការយកចិត្តទុកដាក់ពីអ្នកនៅជុំវិញខ្លួន រហូតដល់នៅក្នុងឆ្នាំ ២០២៥ នេះ ស្ថានភាពជំងឺរបស់នាងបានប្រសើរឡើងជាលំដាប់។
ដោយឡែក ខណៈទើបតែងើបពីឈឺមិនបានប៉ុន្មាន ថ្មីៗនេះគេឃើញថា Zhao Lusi បានធ្វើដំណើរកាន់ប្រទេសទីបេ ដើម្បីកម្មវិធីសប្បុរសធម៌មួយ។ ក្នុងនោះ គេឃើញនាងពិតជាមានភាពសប្បាយរីករាយស្រស់ស្រាយ ជាពិសេសនោះគឺនាងដើរបានយ៉ាងធម្មតាដោយគ្មានត្រូវការឈើច្រត់ ឬ កៅអីរុញឡើយ ជាហេតុធ្វើឱ្យមហាជនមួយចំនួននាំគ្នាគិតថានាងបានពន្លើសពីស្ថានភាពជំងឺរបស់នាងថាជាជំងឺធ្ងន់ធ្ងរ។
យ៉ាងណាក៏ដោយ ក៏មានមហាជនមួយចំនួនបានការពារនាង ដោយគេលើកឡើងថាជំងឺរបស់នាងពិតជាធ្ងន់ធ្ងរមែន តែនាងបានជាសះស្បើយឆាប់រហ័សបែបនេះ ដោយសារតែមានការយកចិត្តទុកដាក់ពីក្រុមគ្រូពេទ្យ និង ក្រុមគ្រួសារ៕
ប្រភព៖ Lovekpop95
