ជារឿងដ៏គួរឱ្យភ្ញាក់ផ្អើល និង នឹកស្មានមិនដល់ ដែលកាលពីយប់ថ្ងៃទី ០៣ ខែមីនា ឆ្នាំ ២០២៥ មានករណីប្រទះឃើញសាកសពបុរសម្នាក់ ត្រូវបានគេញាត់ចូលក្នុងវ៉ាលិស ជាមួយដុំដែក ក្នុងប្រឡាយទឹក ត្រង់ចំណុច តាមផ្លូវក្រវាត់ក្រុងទី ៣ ភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្ដាល។
ទាក់ទិនទៅនឹងករណីនេះ តាមប្រភពព័ត៌មានបឋមពីគណនីឈ្មោះ Rin Ratanak បានបញ្ជាក់នៅថ្ងៃទី ០៤ ខែមីនា ឆ្នាំ ២០២៥ នេះ ឱ្យបានដឹងថា នៅវេលាម៉ោង ៨ យប់ ថ្ងៃទី ០៣ មីនា ២០២៥ មានករណីឃាតកម្ម សម្លាប់បុរសម្នាក់មិនស្គាល់អត្តសញ្ញាណ ញាត់ចូលក្នុងវ៉ាលិស ដាក់ជាមួយដុំដែក សម្រាប់ហាត់ប្រាណ ហើយយកទៅទម្លាក់ ក្នុងប្រឡាយទឹក ដែលត្រូវបានអ្នកភូមិនៅទីនោះប្រទះឃើញ។
តាមប្រភពបានបន្តថា ហេតុការណ៍ដែលនឹកស្មានមិនដល់នេះ បានកើតឡើងនៅត្រង់ចំណុចតាមផ្លូវក្រវាត់ក្រុងទី ៣ ភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្ដាល៕
