បន្ទាប់ពីរងចាំអស់ជាច្រើនខែ មកដល់ថ្ងៃទី ៦ ខែមិថុនា ឆ្នាំ ២០២៥ នេះ ទីបំផុត អ្នកនាង ទេព បូព្រឹក្ស និង លោក ជី ដេវីត បានក្លាយជាកូនក្រមុំកូនកំលោះដ៏ស្រស់ស្អាតក្នុងរោងជ័យហើយ ដែលជាថ្ងៃដ៏រំភើប និង មានក្ដីសុខសម្រាប់អ្នកទាំងពីរ ព្រមទាំងមហាជនអ្នកគាំទ្រកំពុងចាប់អារម្មណ៍តាមដានសកម្មភាពថ្ងៃមង្គល និង ចូលរួមអបអរផងដែរ។
ក្រឡេកទៅមើល ទិដ្ឋភាពរោងការដ៏ធំរបស់តារាចម្រៀងប្រុសស្រីមួយគូនេះវិញ បន្ទាប់ពីរៀបចំរួចរាល់យ៉ាងប្រណីតស្រស់ស្អាតពេញដោយរចនាបថខ្មែរ នៅល្ងាចថ្ងៃទី ៥ ខែមិថុនា ឆ្នាំ ២០២៥ កន្លងទៅនេះ ឃើញថាមានវត្តមានបងប្អូនសាច់ញាតិ មិត្តភក្តិស្និទ្ធស្នាលទាំងក្នុង និង ក្រៅសិល្បៈជាច្រើនបានទៅលេងអបអរ និង បង្ហាញក្ដីរំភើបជាមួយកូនកំលោះកូនក្រមុំមុនថ្ងៃចូលរោងផងដែរ។
ក្នុងនោះ អ្វីកាន់តែចាប់អារម្មណ៍ តាមរយៈការបង្ហាញពីសកម្មភាពមុនថ្ងៃចូលរោងការនេះដែរ ក៏បានឃើញវត្តមានរបស់តារាស្រីដ៏ល្បីរបស់កូរ៉េ Dj Soda ដែលជាមិត្តរាប់ស្និទ្ធស្នាលរបស់អ្នកនាង ទេព បូព្រឹក្ស និង លោក ជី ដេវីត បានមកដល់ខ្មែរ និង កាន់រោងការដើម្បីអបអរដល់មិត្តយ៉ាងរំភើបមុនថ្ងៃចូលរោង និង ត្រៀមឈុតប្រពៃណីខ្មែរសម្រាប់ថ្ងៃពិធីមង្គលនេះទៀតផង៕
សូមចុចទីនេះដើម្បីទស្សនាវីដេអូ៖
