អ្នកគាំទ្រនិយមតាមដានពីរឿងរ៉ាវឯកជនរបស់តារាចម្រៀងរ៉េប KingChi កន្លងមក ច្បាស់ជាបានជ្រាបហើយ ពីស្ថានភាពសុខភាពរបស់អ្នកនាង ម៉ាណូឡែន ភរិយារបស់លោក ដែលមានជំងឺខូចតម្រងនោម តម្រូវលាងឈាម និង វះកាត់ក្រលៀនជាបន្ទាន់។
ក្រោយសម្រាកព្យាបាលនៅក្នុងប្រទេស និង ប្តូរឈាមមួយរយៈធំ ភរិយារបស់តារាចម្រៀងរ៉េប KingChi ក៏បានចាកចេញទៅវះកាត់នៅឯប្រទេសឥណ្ឌាហើយដែរ ដោយបច្ចុប្បន្ន ភរិយារបស់តារាចម្រៀងរ៉េបខាងលើកំពុងបន្តសម្រាកព្យាបាលនៅទីនោះ។
ងាកមកកាន់ លោក KingChi ឯណោះវិញ ស្របពេលភរិយាកំពុងសម្រាកព្យាបាលនៅក្រៅប្រទេស ខណៈលោកក៏កំពុងមមាញឹកក្នុងការងារសិល្បៈ ជាពិសេសក្នុងនាមជា Coach កម្មវិធី Rapper Fighter រដូវកាលទី ២ ផង អ្នកគាំទ្រសង្កេតឃើញលោក នៅតែបែងចែកពេលវេលាធ្វើការផង និង ហោះហើរញឹកញាប់ទៅមើលថែភរិយាផង បើទោះជាត្រូវចំណាយពេល និង ហត់នឿយបន្តិចក្តី។
ក្នុងនោះ សូម្បីតែអ្នកនាង ម៉ាណូឡែន ក៏បានបង្ហាញអារម្មណ៍ទៅកាន់ស្វាមី ដោយបានបង្ហោះសារថា៖ «ហោះទៅថតកម្មវិធី Rapper fighter នៅ PP ហើយហោះមកមើលថែប្រពន្ធនៅ India You are my super hero ទ្រាំតែបន្តិចទៀតយើងឆ្លងកាត់វាបានហើយ»៕
