បន្ទាប់ពីរងចាំអស់ជាច្រើនខែ មកដល់ថ្ងៃទី ៦ ខែឧសភា ឆ្នាំ ២០២៥ នេះ ទីបំផុត អ្នកនាង ទេព បូព្រឹក្ស និង លោក ជី ដេវីត បានក្លាយជាកូនក្រមុំកូនកំលោះក្នុងរោងជ័យហើយ ដែលពេលវេលាដ៏រំភើប និង មានក្ដីសុខសម្រាប់អ្នកទាំងពីរ ព្រមទាំងមហាជនអ្នកគាំទ្រកំពុងចាប់អារម្មណ៍តាមដានសកម្មភាពថ្ងៃមង្គល និង ចូលរួមអបអរផងដែរ។
ក្រឡេកមើល ទិដ្ឋភាពក្នុងពិធីចូលរោងជ័យរបស់អ្នកនាង ទេព បូព្រឹក្ស និង ជី ដេវីត នាពេលរសៀលនេះដែរ បានរៀបចំឡើងយ៉ាងធំដំស្អាតប្រណីតតាមបែបប្រពៃណីខ្មែរ និង មើលទៅទាំងកូនក្រមុំ កូនកំលោះ ស្រស់ស្អាតគួរឱ្យស្រឡាញ់ស័ក្តិសមគ្នាខ្លាំង។
អ្វីដែលអ្នកគាំទ្រកាន់តែចាប់អារម្មណ៍ និង រំភើបជំនួស ក្នុងពិធីដំបូងនៃមង្គលការនេះ ដែលកូនកំលោះកូនក្រមុំចូលអង្គុយផ្ទឹមសូត្រមន្តក្រុងពលី ឃើញថាអ្នកនាង ទេព បូព្រឹក្ស និង លោក ជី ដេវីត ហាក់មានក្ដីរំភើបចិត្តខ្លាំង ខណៈកំពុងសំពះបណ្ដើរស្រក់ទឹកភ្នែកបណ្ដើរទាំងស្នាមញញឹមទាំងគូផងដែរ៕
សូមចុចទីនេះដើម្បីទស្សនាវីដេអូ៖
