នៅមុននេះបន្តិច អគ្គិសនីខេត្តបាត់ដំបង បានជូនដំណឹងឱ្យបានដឹងថា នៅថ្ងៃទី ២៣ ខែមេសា ឆ្នាំ ២០២៥ វេលាម៉ោង ១៤:២៧ នាទីរសៀល មានករណីដាច់ចរន្តអគ្គិសនីលើខ្សែបណ្ដាញបញ្ជូនតង់ស្យុងខ្ពស់ (HV) ដែលបណ្ដាលឱ្យដាច់ចរន្តអគ្គិសនីនៅក្នុងខេត្តបាត់ដំបង ខេត្តប៉ៃលិន និង ខេត្តពោធិ៍សាត់។
ទាក់ទិនទៅនឹងរឿងនេះ ក្រុមការងារបច្ចេកទេសកំពុងធ្វើការត្រួតពិនិត្យ ដើម្បីស្ដារប្រព័ន្ធ និង ភ្ជាប់ចរន្តជូនអតិថិជនឱ្យឆាប់មានចរន្តអគ្គិសនីប្រើប្រាស់ឡើងវិញ នៅពេលទទួលបានព័ត៌មានបន្ថែមពីការដាច់ចរន្តអគ្គិសនីនេះ ក្រុមការងារនឹងជូនដំណឹងជាបន្តបន្ទាប់ទៀត។
ក្នុងនោះ អគ្គិសនីខេត្តបាត់ដំបងសូមឱ្យសាធារណជនមេត្តាជ្រាបជាព័ត៌មាន និង សូមអធ្យាស្រ័យចំពោះការដាច់ចរន្តអគ្គិសនីនេះដោយក្តីអនុគ្រោះ៕