ក្រោយពីឯកឧត្តម ទៀ ស្យាម ស្យាម អនុប្រធានសហព័ន្ធកីឡាយានយន្តកម្ពុជា និង ជាអ្នកទិញសិទ្ធិប្រេន ភីធីធី កម្ពុជា បានប្រមូលផ្តុំជាមួយនឹងម្ចាស់អាជីវកម្មទាំងអស់គ្នា ដែលទិញសិទ្ធិប្រេន PTT Cambodia ទូទាំងប្រទេសកម្ពុជា កាលពីថ្ងៃទី ០៣ ខែសីហា ឆ្នាំ ២០២៥ កន្លងទៅ បានសម្រេចទម្លាក់ស្លាកចុះហើយ។
ក្នុងនោះដែរ ឯកឧត្តម និង ជាអ្នកទិញសិទ្ធិ បានរួបរួមកម្លាំងសម្រេចចិត្តបង្កើតប្រេនថ្មី ប្រេនខ្មែរ ជាស្នាដៃបង្កើតដោយកូនខ្មែរ ដែលមានកម្រិតស្តង់ដារខ្ពស់ទៀតផង។
យ៉ាងណាមិញ នៅរសៀលថ្ងៃទី ០៤ ខែសីហា ឆ្នាំ ២០២៥ នេះ ដំណឹងច្បាស់ការពីឯកឧត្តម ទៀ ស្យាម បានបង្ហាញពីប្រេនហ្គារ៉ាស់ប្រេងឥន្ទនៈថ្មី ដោយត្រូវដាក់យីហោថា Peace Petroleum Cambodia ហៅកាត់ PPC ដែលបង្កប់នូវអត្ថន័យយ៉ាងជ្រាលជ្រៅ។
ឯកឧត្តម ទៀ ស្យាម បានបញ្ជាក់អត្ថន័យថា៖ «ឈ្មោះដែលបង្កប់ដោយរយលានអត្ថន័យ!
-ពណ៌ក្រហម ជាពណ៌មួយក្នុងទង់ជាតិខ្មែរ ដែលតំណាងទឹកដីកម្ពុជា ប្រៀបបានដូចសញ្ជាតិរបស់ប្រេន ដែលបង្កើតដោយកូនខ្មែរ ។
-ពណ៌ស ឆ្លុះបញ្ជាំងពីភាពបរិសុទ្ធ សុភាព ស្មោះត្រង់ និង សន្តិភាពប្រៀបបានដូចជាអត្តចរិករបស់ប្រជាពលរដ្ឋខ្មែរ ដែលស្រលាញ់សន្តិភាព និង មានចរិកស្មោះត្រង់។
-ពណ៌ទឹកប៊ិច ឆ្លុះបញ្ជាំងពីភាពរឹងមាំ ទំនុកចិត្ត និង និរន្តរន៍ភាព ប្រៀបដូចជាការប្តេជ្ញារបស់ប្រេន ដែលនឹងផ្តល់ជូននូវសេវាកម្មប្រកបដោយស្តង់ដារ គុណភាព និង ទំនុកចិត្តដ៏រឹងមាំជូនអតិថិជន។
-សត្វព្រាប ឆ្លុះបញ្ជាំងពី សេរីភាព និង សន្តិភាពប្រៀបបានដូចជាការប្រកាសឯករាជ្យរបស់ក្រុមហ៊ុន PPC។
-ពណ៌មាស ឆ្លុះបញ្ជាំងពីភាពត្រចះត្រចង់ និង ឧត្តមគតិ ដែលនឹងហោះឡើងដោយភាពរុងរឿងរបស់កូនខ្មែរ»៕
