នៅម៉ោង ៥ ព្រឹក ថ្ងៃទី ៩ ខែសីហា ឆ្នាំ ២០២៥ នេះ សារព័ត៌មាន Khaosod បានរាយការណ៍ឱ្យដឹងថា មានករណីរថភ្លើងល្បឿនលឿនពិសេសនៅក្នុងប្រទេសថៃ បានបើកធ្លាក់ផ្លូវ បង្កឱ្យមានអ្នកដំណើរ ៩ នាក់រងបួស។
តាមព័ត៌មានបានឱ្យដឹងថា រថភ្លើងល្បឿនលឿនពិសេសនេះ បានចេញពីស្ថានីយ៍ Padang ឆ្ពោះទៅកាន់ស្ថានីយ៍ Apiwat នាទីក្រុងបាងកក តែចៃដន្យបានមកប្រទះឧប្បទ្ទវហេតុនៅក្រុង Kui Buri ខេត្ត Prachuap Khiri Khan ដោយក្នុងនោះទូររថភ្លើងចំនួន ៣ ក្នុងបានដាច់ធ្លាក់ចេញពីផ្លូវ។
យ៉ាងណាមិញ តាមព័ត៌មានបានឱ្យដឹងទៀតថា មានអ្នកដំណើរចំនួន ៩ នាក់បានរងរបួស ដោយក្នុងនោះមានព្រះសង្ឃចំនួន ១ អង្គ ក្មេងស្រី ១ នាក់ និង មនុស្សស្រីចំនួន ៧ នាក់។ ដោយឡែក ខាងអាជ្ញាធរបានបញ្ជូនអ្នករបួសទៅសង្រ្គោះ ហើយក៏បានប្រញាប់ប្រើគ្រឿងចក្រធុនធំដើម្បីលើកទូររថភ្លើងដែលបានធ្លាក់ផ្លូវ ចៀសវាងការរាំងស្ទះដល់ជើងរថភ្លើងខាងក្រោយផងដែរ៕
ប្រភព៖ Khaosod
