ថ្មីៗនេះ លោកស្រី Thaniwan Kulmongkol ប្រធានសមគមន៍ហាងអាហារថៃ បានទម្លាយឱ្យដឹងថា ហាងអាហារជាច្រើនបានកំពុងទទូចសុំឱ្យក្រសួងសេដ្ឋកិច្ចជួយ ក្រោយពីចំណូលធ្លាក់ចុះជាង ៧០ ភាគរយ ដោយសារតែការលក់មិនដាច់ដូចមុន។
តាមព័ត៌មានបានឱ្យដឹងថា ពេលនេះហាងអាហារជាច្រើននៅប្រទេសថៃ កំពុងតែប្រទះបញ្ហាដូចគ្នា គឺការលក់លែងដាច់ ដែលបណ្តាលឱ្យខាតចំណូលយ៉ាងខ្លាំង។ ក្នុងនោះ ហាងអាហារនៅតាមទីក្រុងអាចរក្សាចំណូលពី ៥០ ទៅ ៦០ ភាគរយ ប៉ុន្តែហាងនៅតាមខេត្តអាចរក្សាចំណូលត្រឹម ២០ ទៅ ៣០ ភាគរយ ចំណែកថ្លៃចំណាយគឺនៅដូចដើម ដែលបណ្តាលឱ្យហាងទាំងនោះកំពុងប្រទះការខាតចំណូលយ៉ាងខ្លាំង។
យ៉ាងណាមិញ ចំពោះមូលហេតុនៃការធ្លាក់ចុះចំណូលវិញ ត្រូវបានឱ្យដឹងថា មកពីមិនសូវមានមនុស្សចេញហូបអាហារនៅក្រៅដូចមុន ជាពិសេសគឺអ្នកទេសចរណ៍កាន់តែធ្លាក់ចុះ។ ដោយឡែក ប្រធានសមគមន៍ហាងអាហារថៃ បានសុំដំណោះស្រាយ ដោយសុំឱ្យរដ្ឋាភិបាលជួយចេញថ្លៃអាហារពាក់កណ្តាលឱ្យអ្នកទិញ ដើម្បីជួយជំរុញឱ្យមានភ្ញៀវចូលមកទទួលទានអាហារដូចដើមវិញ៕
ប្រភព៖ Khaosod
