ទឹកចិត្តកូនខ្មែរក្រៅប្រទេស! អ្នកសិល្បៈ និង ពលរដ្ឋខ្មែររស់នៅក្រៅប្រទេស កំពុងប្រើសំឡេងប្រឆាំងការឈ្លានពានរបស់ថៃមកលើកម្ពុជា

មកដល់ពេលនេះ លើបណ្ដាញសង្គមកម្ពុជា ក៏កំពុងបន្តចែករំលែកតតាំងនឹងការឈ្លានពាន ជាពិសេសជុំវិញរឿងប្រទេសថៃបំភ្លៃនូវការពិត និង លាបពណ៌មកលើកម្ពុជា ដែលមហាជន ក៏ដូចជាអ្នកសិល្បៈ និង បុគ្គលល្បីៗជាច្រើន បានចែករំលែកនិយាយអ្វីដែលជាការពិតពីកម្ពុជាទៅកាន់ពិភពលោកឱ្យបានដឹង តាមរយៈការបង្ហោះសារ សកម្មភាព និង វីដេអភាសាបរទេសផ្សេងៗ។

ក្រៅពីបងប្អូនមហាជននៅក្នុងប្រទេសកម្ពុជាចេញបង្ហោះតវ៉ាតាមរយៈសកម្មភាពផ្សេងៗ បើក្រឡេកមើលបងប្អូនកូនខ្មែរនៅក្រៅប្រទេសវិញមានទាំងអ្នកសិល្បៈ ពលករ អណិកជនខ្មែររស់នៅជាច្រើនប្រទេសមាន អូស្ដ្រាលី ជប៉ុន កូរ៉េ នូវែលសេឡង់ អាមេរិក និង ប្រទេសផ្សេងៗ កំពុងបង្ហាញសកម្មភាពប្រឆាំងតវ៉ានឹងការឈ្លានពាន រកយុត្តិធម៌ សន្តិភាព និង កិត្តិយសសម្រាប់កម្ពុជាផងដែរ។

តាមរយៈការការប្រឆាំងតវ៉ារបស់បងប្អូនខ្មែរនៅក្រៅប្រទេសជាច្រើននេះដែរ បានប្រមូលផ្ដុំរួបរួមគ្នាបង្ហាញសកម្មភាពដោយកាន់ទង់ជាតិខ្មែរ និង បរទេស ព្រមទាំងផ្លាកនៃការទាមទាររកយុត្តិធម៌ សន្តិភាព និង ភាពស្អាតស្អំរបស់កម្ពុជា ដើរបង្ហាញតាមដងផ្លូវសាធារណៈ តាមស្ថានទូតខ្មែរបរទេសនៅបណ្ដាប្រទេសផ្សេងៗ ពេញដោយស្មារតីស្រឡាញ់ការពាររបស់ជាតិក្នុងនាមជាឈាមជ័រខ្មែរ៕