ពិតណាស់ នៅរាត្រីថ្ងៃទី ២ ខែមេសា ឆ្នាំ ២០២៥ នេះ កម្មវិធីប្រកួតសម្រស់ Miss Supranational Cambodia 2025 បានឈានដល់វគ្គផ្ដាច់ព្រ័ត្រ និង រកឃើញម្ចាស់រាជិនីគ្រងមកុដថ្មីប្រចាំឆ្នាំ ២០២៥ នេះហើយ គឺបានទៅលើស្រីស្អាតពេញដោយសមត្ថភាព និង ចំណេះដឹង កញ្ញា ឈុំ ចាន់ដារ៉ា។
យ៉ាងណាមិញ ក្នុងរាត្រីផ្ដាច់ព្រ័ត្រនេះដែរ ងាកទៅចាប់អារម្មណ៍ពីបេក្ខភាព MSC 2025 ដ៏មានប្រជាប្រិយភាព កញ្ញា អេនណា រ៉ូស វិញ គឺពុំមានឱកាសឈានចូល Top នៃកម្មវិធីប្រកួតនេះឡើយ ប៉ុន្តែបេក្ខភាពរូបនេះ ក៏ទទួលបានការគាំទ្រ និង លើកទឹកចិត្តខ្លាំងពីមហាជនជាច្រើន ដោយមើលឃើញពីការខិតខំប្រឹងប្រែងរបស់នាងកន្លងមក។
ដោយឡែក អ្វីដែលធ្វើឱ្យមហាជនអ្នកគាំទ្រលើបណ្ដាញសង្គមកំពុងផ្ទុះការចាប់អារម្មណ៍ភ្ញាក់ផ្អើល និង វែកញែកខ្លាំងចំពោះបេក្ខភាពបវរកញ្ញា អេនណា រ៉ូស ខណៈចុះពីលើឆាកប្រកួតផ្ដាច់ព្រ័ត្រភ្លាម ក៏បានឃើញនាងធ្វើការឡាយវីដេអូ និង បង្ហោះសារជាបន្តបន្ទាប់ ដោយបង្ហាញការប្រតិកម្មហាក់មិនពេញចិត្តចំពោះលទ្ធផលរបស់ខ្លួនក្នុងការប្រកួតនេះ។
ក្នុងនោះ កញ្ញា អេនណា រ៉ូស បានបង្ហោះរៀបរាប់លើហ្វេសប៊ុកបន្តបន្ទាប់ថា ៖ «អស់លុយច្រើនណាស់កម្មង់សុទ្ធតែ ២, ៣ រ៉ូប ថោកទាប ខំកាត់រ៉ូបអស់រាប់រយ អ្នកណាមិនក្តៅ», «ត្រឹមសម្បត្តិបវរកញ្ញាមានអីអស្ចារ្យ ជំទាវឧកញ៉ាបានអស្ចារ្យ ក្តីស្រមៃ តែជំទាវឧកញ៉ាដោយខ្លួនឯងមិនដោយសារប្តី», «បើដឹងកម្មវិធីដូចអាចម៍ធ្វើស៊ីខ្ពើម ខ្សែសាហាវ ស្បថកម្មវិធីល្បីដោយសារ rose យក view ចុងក្រោយថោក ថោកគ្មានលេខដាក់ សាងអីបាននឹងតិចទៀតដឹងហើយ», «បវរកញ្ញាមុខដូចខ្មោចឈ្លក់ទឹក កាតឿមុខដូចឈើ គេហៅថាខ្សែ»៕
