ក្រោយរៀនចប់បាក់ឌុប និង បន្តការសិក្សានៅសាកលវិទ្យាល័យ ណាភីន ដែលគ្រប់គ្នាស្គាល់ថាជាកូនស្រីរបស់ ថៅកែហាងពេជ្រ ទ្រី ដាណា ចាប់ផ្តើមបង្ហាញមុខញឹកញយនៅលើបណ្តាញសង្គម ហើយក៏ទទួលបានប្រជាប្រិយភាពមិនចាញ់តារាល្បីប៉ុន្មានឡើយ។
ជាក់ស្តែង មួយរយៈក្រោយនេះ ណាភីន ចាប់ផ្តើមផលិតមាតិកាផ្សេងៗ មិនថាការដើរកម្សាន្ត ឬក៏ការចែករំលែកបទពិសោធផ្ទាល់ខ្លួននោះទេ គឺទទួលបានការចាប់អារម្មណ៍ មានអ្នកទស្សនារាប់លានដងឯណោះ។
យ៉ាងណាមិញ ថ្មីៗនេះ ណាភីន បានបង្ហោះវីដេអូមួយក្នុងផេកហ្វេសប៊ុក កំពុងទទួលបានការចាប់អារម្មណ៍ និង សរសើរយ៉ាងខ្លាំង ដោយ ណាភីន បានបង្ហាញក្បាច់យុទ្ធក្រមខម នៅខាងមុខកន្លែងល្បីល្បាញនាទីក្រុងប៉ារីស គឺ Eiffel Tower។ ក្នុងនោះ ណាភីន បានបញ្ជាក់ថានៅខាងក្រោមវីដេអូថា៖ «ខុសត្រូវ អ្វីកុំប្រកាន់ណាខ្ញុំគ្រាន់តែបង្ហាញអ្វីដែលជារបស់ខ្មែរផ្អែកលេីចំណេះដឹងខ្លួនឯងប៉ុណ្ណោះ»៕
សូមចុចទីនេះ ដើម្បីទស្សនាវីដេអូ៖