ថៃ អញ្ជើញអនុព័ន្ធយោធាចំនួន ២៤ ប្រទេស អ្នកកាសែតអន្តរជាតិ ៣៩ នាក់ ក្នុងស្រុក ១១០ ដើម្បីថ្លែងការណ៍ពីការខូតខាត ក្រោយប៉ះទង្គិចជាមួយកម្ពុជា

នៅថ្ងៃទី ១ ខែសីហា ឆ្នាំ ២០២៥ នេះ មន្រ្តីយោធារបស់ថៃ បានអញ្ជើញអនុព័ន្ធយោធាចំនួន ២៤ ប្រទេស ទៅកាន់ប្រទេសរបស់ខ្លួន ដើម្បីថ្លែងការណ៍រៀបរាប់ពីការខូចខាត ក្រោយពីមានការប៉ះទង្គិចជាមួយកម្ពុជាក្នុងបញ្ហារឿងព្រំដែន។

ក្នុងនោះ តាមព័ត៌មានបានឱ្យដឹងថា ខាងថៃបានអញ្ជើញឯកអគ្គរាជទូត ឯកអង្គរាជទូតរងតំណាងប្រទេសចំនួន ១១ និង អនុព័ទ្ធយោធាចំនួន ២៤ ប្រទេស រួមជាមួយនឹងអ្នកកាសែតអន្តរជាតិចំនួន ៣៩ នាក់ និង អ្នកកាសែតក្នុងស្រុកចំនួន ១១០ នាក់ មកចូលរួមការថ្លែងការណ៍នេះ។ មន្រ្តីយោធារបស់ថៃ បានរៀបរាប់ថាចោទទាហានកម្ពុជាបានដាក់មីននៅតំបន់ព្រំដែន និង បានបាញ់បោះទៅក្នុងតំបន់ទីប្រជុំជន បណ្តាលឱ្យខូចខាតសាលារៀន មន្ទីរពេទ្យ និង ហាងលក់ទំនិញ ព្រមទាំងកន្លែងផ្សេងៗជាច្រើនទៀត។

យ៉ាងណាមិញ បន្ទាប់ពីសេចក្តីថ្លែងការណ៍នេះ ខាងយោធាថៃ​ ក៏បាននាំទូត ព្រមទាំងអនុព័ទ្ធទាំងឡាយចុះទៅដល់កន្លែងទីតាំងដែលខូចខាតផ្ទាល់ផងដែរ។

គួរឱ្យដឹងថា ប្រទេសអនុព័ទ្ធយោធាដែលបានចូលរួម មានដូចជា​ សហរដ្ឋអាមេរិក​ ចិន រុស្ស៊ី ស៊ុយអែត អ៊ីតាលី អាល្លឺម៉ង់ ហូឡង់​ ស្វីស កាណាដា បារាំង ចក្រភពអង់គ្លេស ទួកគី ជប៉ុន ឥណ្ឌា​ កូរ៉េខាងត្បូង ប៉ាគីស្ថាន សិង្ហបុរី វៀតណាម ម៉ាឡេស៊ី ឡាវ​ ឥណ្ឌូណេស៊ី ហ្វីលីពីន មីយ៉ាន់ម៉ា​ ព្រុយណេ៕

ប្រភព៖​ Thai PBS