មហាជនអ្នកតាមដានពីជីវិតគ្រួសាររបស់ពិធីករ-ការិនីល្បីឈ្មោះអ្នកនាង គង់ សុជាតិ និង លោក ជា វិបុល បានជា្របហើយ ដែលប្ដីប្រពន្ធមួយគូនេះតែងបង្ហាញក្ដីរំភើប និង មោទកភាពខ្លាំងចំពោះកូនៗដែលសុទ្ធសឹងតែមានសមត្ថភាពរៀនពូកែៗ និង ឆ្លាតៗខ្លាំង។
ជាពិសេសកូនស្រីទី ២ ដែលមានវ័យ ២៣ ឆ្នាំ ឈ្មោះ សាល ភាពពិនាលី ហៅ Nelly រៀនពូកែខ្លាំង តែងទទួលបានពានរង្វាន់ ព្រមទាំងមេដាយពីការសិក្សា និង ការប្រកួតផ្សេងៗទាំងក្នុង និង ក្រៅប្រទេស ព្រមទាំងបានរៀនបញ្ចប់ថ្នាក់បរិញ្ញាបត្រយ៉ាងជោគជ័យហើយដែរ។
លើសពីនេះ ក្រោយបញ្ចប់ការសិក្សារយ៉ាងជោគជ័យ មួយរយៈក្រោយនេះ អ្នកនាង គង់ សុជាតិ និង ស្វាមី កាន់តែមានក្ដីមោទកភាពចំពោះកូនស្រី Nelly ខណៈអ្នកទាំងពីរបានដឹកដៃកូនស្រីបង្ហាញសមត្ថភាពជាពិធីការិនីក្នុងកម្មវិធីផ្សេងៗ ដោយឃើញនាងធ្វើបានល្អខ្លាំងទាំងការបញ្ចេញវោហារភាសាខ្មែរ និង អង់គ្លេស។
មកដល់ថ្មីៗនេះ កូនស្រីបណ្ដូលចិត្តរបស់អ្នកនាង គង់ សុជាតិ Nelly កាន់តែធ្វើឱ្យប៉ាម៉ាក់មានការស្ងប់ស្ងែងពីទេពកោសល្យរបស់នាង ខណៈបានឃើញអ្នកនាងបង្ហាញពីសកម្មភាពរបស់កូនស្រី ឡើងធ្វើជាពិធីការិនីក្នុងកម្មវិធីបែបផ្លូវការដ៏ធំមួយ ដែលនាងធ្វើបានល្អស្ទាត់ជំនាញផងដែរ។
ក្នុងនោះ អ្នកនាង គង់ សុជាតិ បានបង្ហោះរៀបរាប់ថា ៖ «នាមជាម្តាយ ឪពុក ពិតជាមានមោទកភាពណាស់ចំពោះការខិតខំ និង ការងារល្អរបស់កូនស្រី កូនស្រីធ្វើបានល្អណាស់ ម្តាយ ឪពុកសប្បាយចិត្ត ជាពិសេសការខិតខំរបស់កូននាំមកនូវលទ្ធផលដ៏អស្ចារ្យ តែចាំថា ចំណេះដឹង និង ការប៉ិនប្រសប់ គឺមិនមានទីបញ្ចប់ទេ»៕
