នៅថ្ងៃទី ១៧ ខែតុលា ឆ្នាំ ២០២៥ នេះ សារព័ត៌មាន Khaosod បានរាយការណ៍ឱ្យដឹងថា សង្រ្គាមស៊ីវិលនៅជាយដែនមីយ៉ាន់ម៉ា បានបង្កការធ្លាក់គ្រាប់ចំផ្ទះប្រជាជនថៃចំនួន ៨ ខ្នង ដែលបង្កចលាចលមិនតិចឡើយ។
តាមព័ត៌មានបានឱ្យដឹងថា ទាហានមីយ៉ាន់ម៉ា និងកងកម្លាំងឧទ្ទាមប្រឆាំងនៅតាមជាយដែនបានកំពុងប៉ះទង្គិចគ្នាខ្លាំងណាស់នៅម្តុំក្នុងភូមិ Min La Pan ស្រុក Myawaddy ខេត្ត Myawaddy ដោយមានទាំងការទាំងការគប់គ្រាប់បែក និងការប្រើ ទម្លាក់គ្រាប់បែក ព្រមទាំងការតទល់គ្នាដោយគ្រាប់កាំភ្លើងទៀតផង។
ការប៉ះទង្គិចគ្នាដ៏ក្តៅគគុកនេះ បានធ្វើឱ្យគ្រាប់មួយចំនួនបានខ្ទាតទៅលើផ្ទះរបស់ប្រជាជនថៃ ដែលរស់នៅភូមិ Huai Maha Wong ភូមិលេខ ៩ ឃុំ Mahawan ស្រុក Mae Sot ខេត្ត Tak ដែលជិតព្រំដែនកន្លែងសមរភូមិរបស់មីយ៉ាន់ម៉ា បង្កជាការខូចខាតអស់ចំនួន ៨ ខ្នង ប៉ុន្តែមិនមានអ្នករងរបួសនោះទេ។ មកទល់ពេលនេះ ប្រជាជនមួយចំនួនបាននាំគ្នាភៀសខ្លួនចេញពីផ្ទះសម្បែងសិន ហើយខាងអាជ្ញាធរក៏បានចុះទៅត្រួតពិនិត្យ និងរក្សាសុវត្ថិភាពឱ្យប្រជាជនផងដែរ៕
ប្រភព៖ Khaosod
