នៅថ្ងៃទី ១៣ ខែកុម្ភៈ ឆ្នាំ ២០២៥ នេះ លោក ជា សុជាតិ សមាជិកក្រុមចម្រៀង ក្មេងខ្មែរ បាននាំកូនប្រុសបណ្តូលចិត្តចេញពីមន្ទីរពេទ្យទៅផ្ទះវិញហើយ ក្រោយភរិយារបស់លោកសម្រាលកាលពីថ្ងៃទី ៧ ខែកុម្ភៈ ឆ្នាំ ២០២៥ កន្លងទៅ។
ក្នុងនោះដែរ ចំណងអាពាហ៍ពិពាហ៍ទាយាទស្នងត្រកូលដំបូងរបស់ លោក ជា សុជាតិ បានធ្វើឱ្យអ្នកគាំទ្រ និង មិត្តភក្តិទាំងក្នុង ក្រៅសិល្បៈជាច្រើនបានចូលរួមអបអរសាទរដល់លោក និង ភរិយាជាបន្តបន្ទាប់។ លើសពីនោះទៀតសោត មហាជនបានសរសើរដល់ប៉ាៗថ្មីថ្មោងរូបនេះ ថាពិតជាបំពេញតួនាទីជាស្វាមី ជាប៉ាៗមើលថែភរិយា និង កូនប្រុសបានយ៉ាងល្អ។
ក្រោយពីកូនប្រុសសម្រាលឃើញពន្លឺព្រះអាទិត្យបានជិតមួយសប្តាហ៍ហើយនោះ មហាជនក៏មិនទាន់បានស្គាល់ឈ្មោះរបស់អូនតូចនោះឡើយនោះទេ ដោយនៅព្រឹកថ្ងៃទី ១៣ ខែកុម្ភៈ ឆ្នាំ ២០២៥ នេះ ភរិយាលោក ជា សុជាតិ បានបង្ហោះវីដេអូ អមនឹងឈ្មោះកូនប្រុសយ៉ាងពីរោះ និង មានន័យ គឺឈ្មោះ ជា កម្ពុមុនិរាជ៕
