កន្លងមកមហាជននិយមតាមដានជីវិតការងារសិល្បៈ និង ឯកជនរបស់តារាស្រីពហុជំនាញអ្នកនាង ខាត់ សុឃីម ច្បាស់ជាបានជ្រាបមកហើយពីកូនប្រុសស្រីរបស់អ្នកនាង ដោយសុទ្ធសឹងតែមានទេពកោសល្យផ្នែកសិល្បៈមិនចាញ់ម្តាយ និង ពូមីង នោះទេ។
ក្នុងនោះដែរ ក្រឡេកទៅកូនប្រុសច្បងរបស់អ្នកនាង ខាត់ សុឃីម គឺអ្នកកំលោះ Sky ឯណោះវិញ ក៏ត្រូវបានមហាជនចាប់ក្រសែភ្នែកមើលដូចគ្នាដែរ ដោយកំលោះវ័យជិត ១៩ ឆ្នាំ រូបនេះ មានសម្រស់ស្រស់សង្ហា កម្ពស់កម្ពរខ្ពស់ស្រឡះ ស្នាមញញឹមមានមន្តស្នេហ៍។
ម្យ៉ាងវិញទៀត ងាកទៅកាន់សមត្ថភាពសិល្បៈឯណោះវិញ Sky កូនប្រុសច្បងអ្នកនាង ខាត់ សុឃីម គឺអាចលេងឧបករណ៍តន្ត្រីបុរាណបានច្រើនប្រភេទ រួមទាំងឧបករណ៍តន្ត្រីសម័យទៀតផង។
ជាក់ស្តែង ថ្មីៗនេះ អ្វីដែលមហាជនកំពុងសរសើរដល់កូនប្រុសច្បង អ្នកនាង ខាត់ សុឃីម ដែលមានជំនាញបន្ថែមទៀត គឺការផលិតភ្លេងសម្រាប់ម្តាយច្រៀងទៀតផង៕
សូមចុចទីនេះ ដើម្បីទស្សនាវីដេអូ៖
