នៅរសៀលថ្ងៃទី ១៧ ខែកុម្ភៈ ឆ្នាំ ២០២៥ នេះ ស្នងការដ្ឋាននគរបាលរាជធានីភ្នំពេញ បានជូនព័ត៌មានដល់សាធារជន អំពីករណីឆេះរថយន្ត នៅផ្លូវរដ្ឋសភា ភូមិ ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ នៅវេលាម៉ោង ១៣:០៥ នាទីរសៀល ថ្ងៃទី ១៧ ខែកុម្ភៈ ឆ្នាំ ២០២៥។
ស្នងការដ្ឋាននគរបាលរាជធានីភ្នំពេញ បានបញ្ជាក់ឱ្យបានដឹងថា ហេតុការណ៍អគ្គិភ័យឆាបឆេះនេះ បណ្តាលមកពីឆ្លងប្រព័ន្ធភ្លើងបង្កជាអគ្គិភ័យ ខណៈអគ្គិភ័យនេះធ្វើឱ្យឆេះខូចខាតរថយន្តម៉ាក TOYOTA PRIUS ពណ៌ខៀវ ពាក់ផ្លាកលេខ 2BQ 6541 (ខូចខាត ៨០%) និង ឆេះរាលដល់រថយន្តចំនួន ០១ គ្រឿងទៀត ម៉ាកTOYOTA VELOZ ពណ៌ប្រផេះ ពាក់ផ្លាកលេខ ភ្នំពេញ 2BY 8441 (ខូចខាត១០%)។
ក្នុងនោះដែរ នៅវេលាម៉ោង ១៣:៣០ នាទីរសៀល ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ០២ គ្រឿង ប្រើប្រាស់ទឹកអស់ចំនួន ០១ ឡាន ស្មើនឹង ០៤ ម៉ែត្រគូប និង រថយន្តអគ្គិភ័យទីក្រុងកោះពេជ្រចំនួន ០២ គ្រឿង ពុំបានប្រើប្រាស់ទឹក៕
ប្រភព ៖ ស្នងការដ្ឋាននគរបាលរាជធានីភ្នំពេញ
