ចែកគ្នាដឹង! ពេទ្យប្រាប់ឱ្យប្រុងប្រយ័ត្នចំពោះអាហារ ៥ ប្រភេទនេះ បើមិនចង់លាងឈាមទាំងវ័យក្មេង

នាពេលថ្មីៗនេះ ផ្នែកតម្រងនោម នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ បានចែករំលែកចំណេះដឹងអំពីអាហារទាំង ៥ ប្រភេទដែលបងប្អូនគួរប្រុងប្រយ័ត្ន បើមិនចង់លាងឈាម ដោយសារអាហារទាំងអស់នោះវាអាចបំផ្លាញតម្រងនោមបាន ទោះបីវាមិនមែនជាអាហារប្រៃក៏ដោយ។

១. ​Processing food អាហារកែច្នៃ

អាហារកែច្នៃ សម្បូរទៅដោយ Sodium Nitrate វាជាសារធាតុរក្សាទុក ដែលបង្កឱ្យទៅជាមានបញ្ហាជំងឺបេះដូង ទឹកនោមផ្អែម ដែលគេយកវាទៅប្រើក្នុងអាហារមួយចំនួនដូចជា សាច់ក្រក ប៉ាតេ ណែម -ល-។

២. Sauce ទឹកជ្រលក់

ទឹកជ្រលក់ សម្បូរទៅដោយ Sodium benzoate ដែលគេប្រើវាសម្រាប់ការពារកុំឱ្យដុះផ្សិត ជាពិសេសក្នុងអាហារដែលមានរសជាតិជូរ។

3.​ Bakery នំប៉័ង

ទោះបីវាមិនមែនជាអំបិល តែវាសម្បូរទៅដោយ Sodium bicarbonate ( Baking soda) ត្រូវបានគេប្រើប្រាស់ក្នុងនំប៉័ង ដើម្បីដើរតួជាភ្នាក់ងារបង្កើតពពុះខ្យល់ ដែលបណ្តាលឱ្យម្សៅឡើងខ្ពស់ តែវានឹងបណ្ដាលឱ្យសម្ពាធឈាមមានការកើនឡើង ដែលជាបញ្ហាធ្វើឱ្យប៉ះពាល់ដល់តម្រងនោមផងដែរ។

៤. Soup cubes ដុំស៊ុប

ដុំស៊ុប សម្បូរទៅដោយ Monosodium Gutami (MSG) ទោះបីវាមិនមែនជាអំបិលតែវាក៏បង្កបញ្ហាដល់តម្រងនោមដែរ។

៥. pearl jelly គជ់​

គជ់ ជាបង្អែមពេញនិយមនាពេលបច្ជុប្បន្ននេះ ដែលគេតែងតែឃើញមាននៅក្នុងតែគជ់។ ក្នុងគជ់មានផ្ទុកសារធាតុ sodium alginate ដែលវាធ្វើឱ្យគជ់នោះឡើងបានល្អ តែវាអាចធ្វើឱ្យតម្រងនោមរបស់អ្នកធ្វើការធ្ងន់ក្នុងការច្រោះវាចេញមកក្រៅ៕

ប្រភព ៖ ផ្នែកតម្រងនោម នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ