តាំងពីយប់ថ្ងៃទី ១១ រហូតដល់ព្រឹកថ្ងៃទី ១២ ខែវិច្ឆិកា ឆ្នាំ ២០២៥ នេះ អ្នកគាំទ្រ Miss Universe Cambodia 2025 អ្នកនាង ហ្វីយ៉ាតា ទាំងក្នុង និង ក្រៅប្រទេស បានផ្ញើសារបង្ហាញអារម្មណ៍ហួសចិត្ត និង លើកទឹកចិត្តដល់នាងកាន់តែច្រើន ខណៈនៅថ្ងៃទី ១១ វិច្ឆិកា ហ្វីយ៉ាតា ទទួលបានការឡកឡាយជាថ្មីពីជនជាតិថៃម្នាក់។
បើតាមរយៈការបង្ហោះវីដេអូ នៅលើ Story ក្នុងគណនី IG របស់បវរកញ្ញា ហ្វីយ៉ាតា បានសន្ទនាជាភាសាអង់គ្លេសជាមួយនឹងបវរកញ្ញាដទៃទៀតទាំងទឹកភ្នែក ដោយ ហ្វីយ៉ាតា បានឱ្យដឹងថា មានជនជាតិថៃម្នាក់បាននិយាយភាសាថៃ សើចឡកឡាយដាក់នាង ដោយគិតថានាងមិនចេះស្តាប់។ ក្នុងនោះ ហ្វីយ៉ាតា បានបន្តថា នាងស្តាប់ហើយ ក៏ដើរចេញតែម្តងទៅ។
បន្ថែមពីនោះ ក្នុងវីដេអូ ដែលអ្នកនាង ហ្វីយ៉ាតា បានបង្ហោះឡើងលើ Story បានបញ្ជាក់បន្ថែមថា បុរសរូបនោះ គឺជាអ្នកសារព័ត៌មាន ហើយអំឡុងពេល ដែលនាង និង បវរកញ្ញាផ្សេងទៀតបានដើរចុះមកក្រោម គឺអ្នកសារព័ត៌មានរូបនោះ បានកាន់កាមេរ៉ាបើក flash និង និយាយពាក្យទាំងនោះ ព្រមទាំងសើចជាមួយនឹងបុគ្គលិកម្នាក់នៅក្បែរនោះ ដោយគិតថានាងមិនចេះស្តាប់ភាសាថៃ។
ក្នុងនោះ ពាក្យសម្ដីដែលអ្នកសារព័ត៌មានរូបនោះ បាននិយាយអំឡុងឈរកាន់កាមេរ៉ាថតវីដេអូថា៖ «ត្រូវហើយអ្នកមកផ្ទះរបស់យើង អ្នកត្រូវតែគោរពបែបនេះ បើមិនដូច្នេះទេអ្នកនឹងដួល ឬ ធ្លាក់» បន្ទាប់មកសើច ដោយកាន់កាមេរ៉ាបើក flash ដាក់ចំមុខបវរកញ្ញា ហ្វីយ៉ាតា៕
សូមចុចទីនេះ ដើម្បីទស្សនាវីដេអូ៖
