![តំបន់ធម្មជាតិមួយ នៅកំពង់ស្ពឺ អ្នកក្នុងតំបន់ជឿថា ទៅលេងហើយ នឹងនាំសំណាងត្រឡប់ផ្ទះមកវិញ](https://www.popular.com.kh/wp-content/uploads/2024/02/FEATURE488.jpg)
តំបន់ធម្មជាតិមួយ នៅកំពង់ស្ពឺ អ្នកក្នុងតំបន់ជឿថា ទៅលេងហើយ នឹងនាំសំណាងត្រឡប់ផ្ទះមកវិញ
«ទេទឹកពុះ» ត្រូវបានគេស្គាល់ថាជាតំបន់ធម្មជាតិដ៏កម្រតែមួយគត់ នៅក្នុងប្រទេសកម្ពុជា ដែលមានទឹកពុះក្តៅពីធម្មជាតិ ស្ថិតក្នុងស្រុកឱរ៉ាល់ ចម្ងាយប្រមាណ ៦០គីឡូម៉ែត្រ ពីទីរួមខេត្តកំពង់ស្ពឺ។
តំបន់ «ទេទឹកពុះ» នេះ ត្រូវបានប្រជាជនក្នុងតំបន់ ដែលជាជនជាតិសួយមានជំនឿថា ជាតំបន់ស័ក្ដិសិទ្ធិ អ្នកដែលទៅលេងនៅទីនេះហើយ នឹងនាំសំណាងត្រឡប់ទៅវិញ ជាពិសេសអ្នកមានជំងឺសើស្បែក និងឈឺដៃ ឈឺជើង អាចមកត្រាំដោយទឹកថ្លាឈ្វង់នៅទីនោះ នឹងអាចមានភាពធូរស្រាលជាមិនខាន។
នៅទីនោះ ទឹកមានសីតុណ្ហភាពខ្ពស់រហូតដល់ ៧០ អង្សារសេ ដែលមានទឹកចេញមកពីប្រភព ៦ និងមានក្លិនស្ពាន់ធ័រ និងថ្មកំបោរ។ ផ្ទៃទឹក ទំហំ ៨០ ម៉ែត្រការ៉េ និងមានផ្ទៃដីសរុប ៥ ហិកតា និងពោរពេញដោយស្មៅខ្ពស់ៗ កក់ (ប្រភេទត្រែងម្យ៉ាង) និងថ្មក្រហម៕
ប្រភព ៖ ទទក