តើអ្នកធ្លាប់ឆ្ងល់ទេ ប្រសិនបើថ្ងៃណាមួយពិភពលោករបស់យើងគ្មានមនុស្សរស់នៅ ហើយបន្សល់ទុកនូវអគារដែលធ្វើដោយមនុស្ស តើវានឹងនៅតែជាអគារដដែល ឬ ក៏ត្រូវធម្មជាតិលេបត្របាក់ ក្លាយទៅសម្បត្តិរបស់វា? ប្រសិនបើអ្នក ជាមនុស្សម្នាក់ ដែលឆ្ងល់នឹងរឿងទាំងនេះដែរ គឺពិតជាល្អ។ ថ្ងៃនេះ «ប្រជាប្រិយ» នឹងនាំអ្នកទៅទស្សនាភូមិស្ងាត់ជ្រងំមួយ ដែលត្រូវគេបោះបង់ចោល ហើយមានទិដ្ឋភាពស្រស់ស្អាតក្រៃលេង។
ភូមិនេសាទមួយនោះ មានឈ្មោះថា Houtouwan គឺជាភូមិដែលគេបោះបង់ចោលស្ថិតនៅលើកោះ Shengsi នៃប្រទេសចិន។ អ្នកនេសាទដែលធ្លាប់រស់នៅក្នុងតំបន់នេះ បានសាងសង់ផ្ទះជាច្រើន ប៉ុន្តែបន្ទាប់ពីអ្នកនេសាទក្នុងភូមិនេះ បានធ្វើចំណាកស្រុកទៅកាន់កោះ និង ទីប្រជុំជនដទៃទៀត ភូមិនេះត្រូវបានទុកចោលអស់រយៈពេលជាច្រើនឆ្នាំ។ ដោយសារហេតុផលនេះ ទើបមានដើមឈើ និង ស្មៅ ជាច្រើនដុះយ៉ាងស្រស់ស្អាតគ្របដណ្ដប់លើផ្ទះពេញភូមិ ដែលមើលទៅហាក់ដូចជាមានការច្នៃប្រឌិតពីសំណាក់ស្ថាបត្យកម្មដ៏ពូកែម្នាក់៕
ប្រភព៖ Kapook
