ជាការពិតណាស់ វិស័យចម្រៀងរ៉េបនៅក្នុងប្រទេសកម្ពុជានាពេលបច្ចុប្បន្ន ត្រូវបានទទួលស្គាល់ និង មានការនិយមស្តាប់ពីសំណាក់មហាជនច្រើនជាងមុន។ ក្នុងនោះ ពន្លកថ្មីនៃតារាចម្រៀងរ៉េប ក៏បានដុះពន្លកជាបន្តបន្ទាប់ដូចគ្នាដែរ។
ដោយឡែក ថ្មីៗនេះ អ្នកនិយមវិស័យចម្រៀងរ៉េប ក៏កំពុងចាប់អារម្មណ៍នឹងកុមារាអាយុ ៧ ឆ្នាំ មួយរូប គឺក្មេងប្រុស កុសល ហុងហ្វូ ដែលជាពន្លកក្មេងវ័យក្នុងវិស័យចម្រៀងរ៉េប ពោលគឺជាធនធានមនុស្សនៅក្នុង Generation Alpha។
ជាការពិត កុមារា កុសល ហុងហ្វូ មានអាយុទើបតែ ៧ ឆ្នាំ ជិតចូល ៨ ឆ្នាំប៉ុណ្ណោះ ប៉ុន្តែសមត្ថភាពរបស់កុមារារូបនេះពិតជាមិនធម្មតា ដោយ ហុងហ្វូ អាចច្រៀងចម្រៀងរ៉េបបានយ៉ាងឡូយ ដោយកន្លងមក ហុងហ្វូ បានយកបទលោក វណ្ណដា និង លោក ជី ដេវីត មកច្រៀងទៀតផង។ អ្វីដែលគួរឱ្យចាប់អារម្មណ៍ ថ្មីៗនេះ កុមារារូបនេះ ក៏បានផលិតបទចម្រៀងផ្ទាល់ខ្លួនទៀតផង៕
