មិនចេះយោគយល់គ្នាសោះ! អ្នកជិតខាងរបស់ប្អូនស្រី សាន់ឆាយ មិនពេញចិត្តខ្លាំង គ្រាន់តែនាងយកធាតុបងស្រីមកទុកក្នុងបន្ទប់ខុនដូ

ក្រោយពីបាត់បង់ជីវិតនៅថ្ងៃទី ២ ខែកុម្ភៈ ឆ្នាំ ២០២៥ កន្លងទៅ នៅឯប្រទេសជប៉ុន ដោយសារតែជំងឺផ្តាសាយ និង រលាកសួត ពេលនេះធាតុរបស់តារាស្រី Barbie Hsu ឬ សាន់ឆាយ ក៏ត្រូវបានសាច់ញាតិនាំមកដល់ទឹកដីតៃវ៉ាន់ ដែលជាប្រទេសកំណើតវិញហើយ។

យ៉ាងណាមិញ ថ្មីៗនេះមានអ្នកប្រើប្រាស់បណ្តាញសង្គមម្នាក់ ដែលអះអាងថាជាអ្នកជិតខាងប្អូនស្រីបង្កើតរបស់ Barbie Hsu បានបញ្ចេញការមិនពេញចិត្តជាច្រើននៅតាមបណ្តាញសង្គមទាក់ទងនឹងរឿងការទុកដាក់ធាតុនេះថា នាងជាមនុស្សដែលមិនគិតពីអារម្មណ៍អ្នកដទៃសោះ បើស្រឡាញ់បងស្រីថ្នាក់នេះម្តេចមិនយកទៅទុកនៅខុនដូទំនើបដាច់ពីគេ។ មនុស្សស្លាប់ហើយ គួរតែឱ្យនៅកន្លែងមនុស្សស្លាប់ បើសិនជាផ្ទះដាច់តែឯងចង់ទុកយ៉ាងណាក៏គ្មានអ្នកថា តែនេះគឺជាខុនដូ កុំធ្វើឱ្យគុណភាពជីវិតរបស់មនុស្សនៅទីនេះយ៉ាប់ទៅដោយសារតែបែបនេះ។

ដោយឡែក ប្អូនស្រីរបស់ Barbie Hsu បានឱ្យដឹងថា នាងគ្រាន់តែទុកធាតុរបស់បងស្រីនៅផ្ទះមួយរយៈសិនប៉ុណ្ណោះ បើសិនជាសុំការអនុញ្ញាតបានហើយ បន្តិចទៀតនាងនឹងនាំយកទៅចាក់រោយទៅក្នុងធម្មជាតិវិញ ម្យ៉ាងនេះក៏ជាបណ្តាំរបស់បងស្រីរបស់នាងផងដែរ៕

ប្រភព៖ Sanook