ស្មាតហ្វូនអេក្រង់ទឹកធ្លាក់ដំបូងបង្អស់ vivo NEX 3 បង្ហាញខ្លួនហើយ

នៅទីបំផុត vivo បានបញ្ចេញស្មាតហ្វូន NEX 3 ជាផ្លូវការ ដោយបំពាក់នូវបច្ចេកវិទ្យា 5G ទៀតផង ។

vivo NEX 3 បំពាក់កាមេរ៉ាក្រោយ ៣ គ្រាប់ គឺ លេនគោល ទំហំ 64MP , លេន Wide-angle ទំហំ 13MP និង លេន Telephoto ទំហំ 13MP ។

NEX 3 ជាស្មានហ្វូនដ៏គួរឱ្យស្រលាញ់បំផុតមួយ ជាពិសេសគឺអេក្រង់មុខរបស់វាតែម្តង ដែល vivo ហៅថា អេក្រង់ទឹកធ្លាក់ “Waterfall FullView Display” ។ វាជាប្រភេទអេក្រង់ Super AMOLED ទំហំ ៦,៨៩ អ៊ីង ខណៈផ្ទៃអេក្រង់មានរហូតដល់ទៅ ៩៩,៦% ឯណោះ ។

ស្មាតហ្វូនដ៏កប់មួយនេះប្រើ RAM ទំហំដល់ 12GB , ទំហំផ្ទុក 256GB ជាមួយបន្ទះឈីប Snapdragon 855 Plus ហើយមានថាមពលថ្ម 4,500mAh ដែលអាចសាកភ្លើងល្បឿនលឿនកម្លាំង 44W បានទៀតផង ។

vivo NEX 3 មានតម្លៃ ៧០០ ដុល្លារសម្រាប់ម៉ូដែល RAM 8GB , ទំហំផ្ទុក 128GB និង ប្រព័ន្ធ 4G ខណៈម៉ូដែល RAM 12GB , ទំហំផ្ទុក 256GB និង អាចប្រព័ន្ធ 5G បានមានតម្លៃ ៨៧០ ដុល្លារ ៕

ប្រភព ៖ gsmarena