Brabus G V12 900 បំពាក់ម៉ាស៊ីន ១២ ខ្លាំងបំផុត ផលិតតែ ១០ គ្រឿងគត់
Brabus បានបង្ហាញកំពូល SUV កម្លាំងខ្លាំងរបស់ខ្លួន G V12 900 ‘One of Ten’ ដែលផលិតមានចំនួនកំណត់ត្រឹមតែ ១០ គ្រឿងប៉ុណ្ណោះ ហើយបំពាក់ម៉ាស៊ីន ១២ ស៊ីឡាំងទៀតផង ។
Brabus G V12 900 ប្រើម៉ាស៊ីនចំណុះ ៦,៣ លីត្រ Turbocharger ដែលបង្កើតកម្លាំងបានសរុប ៨៨៧ សេះ ដំណើរការជាមួយប្រអប់លេខអូតូ ៩ វគ្គ និង ប្រព័ន្ធបើកបរប៉ុងពីរ ដែលអនុញ្ញាតឱ្យវាអាចរត់ស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹម ៣,៨ វិនាទី ហើយមានល្បឿនអតិបរមាដល់ ២៨០ គីឡូម៉ែត្រក្នុងមួយម៉ោង ។
បើប្រៀបធៀបទៅនឹង Mercedes-AMG G63 ឆ្នាំ ២០១៩ ដែលវាផលិតផ្អែកលើ ប្រើម៉ាស៊ីនចំណុះ ៤,០ លីត្រ Twin-turbo ទំហំ ៨ ស៊ីឡាំង បង្កើតកម្លាំងបានត្រឹម ៥៧៧ សេះប៉ុណ្ណោះ ។
យ៉ាងណាមិញ Brabus មិនទាន់បានបង្ហាញពីថ្ងៃចេញលក់ និង តម្លៃរបស់ G V12 900 នៅឡើយទេ ៕
ប្រភព ៖ Carscoops
