បែកធ្លាយខ្ទេច លក្ខណៈសម្បត្តិ Pixel 4 XL

ថ្វីបើមិនទាន់បង្ហាញខ្លួនជាផ្លូវការក្តី ប៉ុន្តែលក្ខណៈសម្បត្តិ Pixel 4 XL ត្រូវបានបែកធ្លាយពាសពេញអ៊ីនធឺណិត ។

តាមរយៈការចាប់កាន់ Pixel 4 XL នៅក្នុងប្រទេសវៀតណាម គេបានអះអាងថា វាប្រើអេក្រង់ AMOLED ទំហំ ៦,៣ អ៊ីង ជាមួយនឹងកម្រិតបង្ហាញ 1,440 x 3,040px និង កម្រិត Refresh-rate 90Hz ។ វាក៏មានជម្រើសមួយហៅថា Smooth Display ដែលផ្លាស់ប្តូរកម្រិត Refresh-rate ស្វ័យប្រវត្តិពី 60Hz និង 90Hz ដើម្បីសន្សំសំចៃថាមពលថ្ម ។

ជាមួយគ្នានេះ វាក៏មានមុខងារ Ambient EQ ដែលនឹងសារ៉េពណ៌អេក្រង់ឱ្យត្រូវតាមទីតាំងដែលអ្នកកំពុងស្ថិតនៅ ។ Pixel 4 XL គ្មានសេនស័រស្កេនម្រាមដៃក្រោមអេក្រង់ឡើយ គឺពឹងផ្អែកលើមុខងារស្កេនផ្ទៃមុខពីកាមេរ៉ាមុខទាំងស្រុងតែម្តង ។

យ៉ាងណាក៏ដោយ Pixel 4 XL មានសមត្ថភាពអាចថតវីដេអូបានកម្រិត 4K 30fps ហើយមានកាមេរ៉ាក្រោយ Wide ទំហំ 12MP និង កាមេរ៉ាមុខ 8MP ។ វាបំពាក់ឈីប Snapdragon 855 , RAM ទំហំ 6GM និង ទំហំផ្ទុក 128GB , ថាមពលថ្ម 3,700 mAh ហើយមានរន្ធដាក់ស៊ីមតែមួយប៉ុណ្ណោះ ៕

ប្រភព ៖ gsmarena