មើលថែខ្លួនផង! ស្ត្រីម្នាក់ជួបផ្ទាល់ ផ្ដាំថាបើមានសញ្ញា ៨ នេះ សូមប្រញាប់ទៅជួបពេទ្យ ប្រយ័ត្នកើតជំងឺផ្លូវចិត្ត

មហាជនអ្នកប្រើប្រាស់បណ្ដាញសង្គម បាននាំគ្នាបញ្ចេញមតិលើកទឹកចិត្ត និង ចែករំលែកបន្តគ្នាព្រោងព្រាត បន្ទាប់ពីមានស្ត្រីម្នាក់បានបង្ហោះសារចែករំលែកនូវរោគសញ្ញាមួយចំនួនមុនឈានចូលទៅដល់ជំងឺផ្លូវចិត្ត ខណៈខ្លួនក៏កំពុងតែយកឈ្នះជាមួយជំងឺមួយនេះ តាមរយៈការព្យាបាលជាមួយគ្រូពេទ្យជាប្រចាំនៅមន្ទីរពេទ្យមិត្តភាពខ្មែរសូវៀត។

ជាក់ស្ដែងតាមរយៈគណនីស្ត្រីដែលមានឈ្មោះ Chin LiNn បានបង្ហោះសារនៅថ្ងៃទី ៣ ខែកុម្ភៈ ឆ្នាំ ២០២៥ បានបញ្ជាក់ពីរោគសញ្ញាមួយចំនួនមុនឈានចូលទៅដល់ជំងឺផ្លូវចិត្តដែលមានដូចជា ៖

– គេងមិនលក់

– លែងឃ្លានបាយ

– ពេលខ្លះក៏មានអារម្មណ៍ថាខ្លួនឯងឯកាសុខៗក៏យំ

– ជ្រុះសក់ខុសពីធម្មតា

– មិនចង់ទៅកន្លែងមានមនុស្សច្រើន

– នៅសំងំតែក្នុងបន្ទប់

– ចូលចិត្តនៅកន្លែងងងឹត

– ធ្លាប់តែជាមនុស្សលេងសើចច្រើនប្ដូរទៅជាស្ងៀមស្ងាត់។

តាមប្រភពបានឱ្យដឹងទៀតថា ប្រសិនបើប្រិយមិត្តមានរោគសញ្ញាបែបនេះ សូមប្រញាប់ទៅពិគ្រោះជាមួយគ្រូពេទ្យ កុំទុកឱ្យកើតទៅជាជំងឺថប់អារម្មណ៍ បាក់ទឹកចិត្ត ឬ ហៅថាជំងឺផ្លូវចិត្ត ត្រូវលេបថ្នាំសម្រួលអារម្មណ៍រាល់ថ្ងៃដើម្បីឱ្យគេងលក់ ដូចជារូបនាងពេលនេះដែលត្រូវលេបថ្នាំជាប្រចាំនៅពេលគិតច្រើន ឬ ពិបាកចិត្តខ្លាំង ដល់ថ្នាក់ប្រកាច់ក៏មាន ដូច្នេះហើយសូមកុំទុកវាឱ្យអាក្រក់លើសនេះអីសូមធ្វើចិត្តរបស់អ្នកឱ្យសប្បាយៗ៕