កាលពីថ្ងៃទី ២៣ ខែកញ្ញា ឆ្នាំ ២០២៥ កន្លងទៅនេះ មានករណីខ្មាន់កាំភ្លើងប៉ុនប៉ងធ្វើឃាតទៅលើមន្រ្តីមួយរូបរបស់ព្រះមហាក្សត្រថៃ ដែលកំពុងធ្វើដំណើរចេញពីខេត្តណារ៉ាធីវ៉ាត។
តាមព័ត៌មានបានឱ្យដឹងថា ជនរងគ្រោះមានឈ្មោះដា Nawawi អាយុ ៣៥ ឆ្នាំ គឺជាមន្រ្តីរាជការថ្នាក់ទី ១ នៃក្រសួងបរមរាជវាំង បម្រើនៅដំណាក់ថាក់ស៊ីនរ៉ាឆានីវេត នៅក្នុងបរមរាជវាំងផ្ទាល់។ នៅថ្ងៃកើតហេតុ ជនរងគ្រោះបានធ្វើដំណើរចេញពីផ្ទះប្រពន្ធនៅស្រុកចោះអៃរ៉ង ខេត្តណារ៉ាធីវ៉ាត ហើយខណៈធ្វើដំណើរមកដល់ផ្លូវលេខ ៥០០៣ ក៏ត្រូវបានខ្មាន់កាំភ្លើងស្ទាក់កណ្តាលផ្លូវ និងបានប្រើកាំភ្លើងវែងប្រភេទ M16 បាញ់រះមកលើឡានត្រូវចំនួន ៤ គ្រាប់គួរឱ្យរន្ធត់ ហើយក៏រត់គេចខ្លួនបាត់ទៅ។
ដោយឡែក តាមព័ត៌មានបានឱ្យដឹងថា ជនរងគ្រោះស្ទើរតែមិនរួចជីវិតឡើយ តែក៏ខំព្យាយាមគេចគ្រាប់បានសម្រេចដោយគ្មានរបួសត្រង់ណានោះទេ ហើយចំណែកអាជ្ញាធរវិញ កំពុងតែស្វះស្វែងប្រមូលភស្តុតាងតាមចាប់ជនដៃដល់មកដាក់ទោសទៅតាមផ្លូវច្បាប់ផងដែរ៕
ប្រភព៖ Khaosod
