កាលពីថ្ងៃទី ០៨ ខែកញ្ញា ឆ្នាំ ២០២៥ កន្លងទៅនេះ គឺជាថ្ងៃកាន់បិណ្ឌ ១ នៃពិធីបុណ្យភ្ជុំបិណ្ឌប្រពៃណីខ្មែរ ដែលប្រជាជនកម្ពុជាបានជួបជុំក្រុមគ្រួសារ មិត្តភក្តិ រៀបចំចង្ហាន់ទៅវត្តប្រគេនព្រះសង្ឃ។
យ៉ាងណាមិញ ទន្ទឹមនឹងមានការជួបជុំនោះ មហាជនអ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀង ជ័យ សូវ៉ាត បានបង្ហាញការរំលែកទុក្ខដល់ក្រុមគ្រួសាររបស់លោក ខណៈជីដូនរបស់តារាចម្រៀងប្រុសរូបនេះ បានទទួលមរណភាព។
ក្នុងនោះដែរ មហាជនអ្នកគាំទ្រ និង មិត្តទាំងក្នុង ក្រៅសិល្បៈ បានបង្ហាញការអាឡោះអាល័យ និង ចូលរួមរំលែកទុក្ខដល់លោក ជ័យ សូវ៉ាត និង ក្រុមគ្រួសារ ដែលបាត់បង់ម្តាយ ជីដូន ជាទីស្រឡាញ់គ្មានថ្ងៃត្រឡប់ ក្នុងពេលវេលាដែលក្រុមគ្រួសារដ៏ទៃទៀតកំពុងជួបជុំគ្នាក្នុងឱកាសបុណ្យភ្ជុំបិណ្ឌផងដែរ៕
