ថ្មីៗនេះ លើបណ្ដាញសង្គមហ្វេសប៊ុកមហាជនកម្ពុជា ក៏ដូចជាអ្នកសិល្បៈ កំពុងចែករំលែកសរសើរ និង មានមោទកភាពចំពោះទឹកចិត្តដ៏ក្លាហានរបស់វីរកងទ័ពជួរមុខប៉ុន្មានរូប ដែលជាបុរសភេទទី ៣ បានឈរជើងនៅសមរភូមិយ៉ាងអង់អាចការពារមាតុភូមិ។
ស្របពេលមហាជនកំពុងមានមោទភាពចំពោះភេទទី ៣ កម្ពុជា ដែលតែងជួយការងារសង្គម ព្រមទាំងមានអ្នកស្ម័គ្រការពារប្រទេសជាតិនេះដែរ ក៏ឃើញមានមហាជនអ្នកប្រើបណ្ដាញសង្គមជាច្រើន កំពុងចែករំលែកលើកនូវពាក្យពេចន៍របស់សិល្បករមួយរូប ធ្លាប់បាននិយាយថា «ភេទទី ៣ ធ្វើឱ្យបាត់បង់ធនធានមនុស្ស» មកវែកញែកជាថ្មីលើបណ្ដាញសង្គម។
ក្នុងនោះដែរ គេក៏បានឃើញមានការបញ្ចេញឆ្លងឆ្លើយទៅវិញទៅមកថា ៖ «ថៃមានខ្ទើយច្រើន វាបាត់ធនធានយោធាដោយសារវាអ៊ីចឹងហើយ បានជាចាញ់ខ្មែរ ព្រោះទាហានថៃភាគច្រើនខ្ទើយបានជាចាញ់ទ័ពកម្ពុជា យល់»។
ក្រោយពីឃើញមានការផ្ទុះវែកញែកជាថ្មីជុំវិញរឿងភេទទី ៣ នេះដែរ ក៏បានឃើញហ្វេសប៊ុកផេករបស់ Peypey Dy ក្នុងនាមជាអ្នកស្រឡាញ់គាំទ្រ LGBTQ មួយរូប ក៏បានចែករំលែក និង បញ្ចេញជាមតិតបប៉ុន្មានម៉ាត់យ៉ាងក្ដៅគគុកថា ៖ «ហោចណាស់ ខ្ទើយមានប្រយោជន៍ជាងពូឯង ធនធានដូចពូមិនគួរមានសោះ»៕
