នៅថ្ងៃទី ០៦ ខែសីហា ឆ្នាំ ២០២៥ តាមរយៈផេក My Destiny វាសនាខ្ញុំ របស់អ្នកគ្រូ ណាលី ដែលជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកឱ្យដឹងថា នៅថ្ងៃទី ០៧ ខែសីហា ឆ្នាំ ២០២៥ នេះ គឺជាថ្ងៃវក ខែវក នៅក្នុងក្បួនហុងស៊ុយ ដែលតម្រូវឱ្យអ្នកមាន «ខាល» ក្នុងតួរាសីត្រូវប្រុងប្រយ័ត្នខ្ពស់។
អ្នកគ្រូបានបញ្ជាក់ឱ្យបានដឹងថា ថ្ងៃទី ០៧ ខែសីហា ឆ្នាំ ២០២៥ ជាថ្ងៃវក ខែវក ដូចនេះបងប្អូនដែលមាន «ខាល» ក្នុងតួរាសីគួរមានការប្រុងប្រយ័ត្នខ្ពស់ ពិសេសមិនគួរធ្វើដំណើរផ្លូវឆ្ងាយចន្លោះពីម៉ោង ៣៖០០ ដល់ ៤៖៥៩ រសៀលដែលជាម៉ោងវក នោះទេ។
គួរឱ្យដឹងផងដែរថា អ្នកគ្រូ ណាលី ត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញ តាមរយៈការចែករំលែកចំណេះដឹងផ្នែកហុងស៊ុយ បែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានា ឱ្យបានត្រឹមត្រូវតាមក្បួនហុងស៊ុយ៕
