អ្នកណាមិនរន្ធ-ត់! នាំគ្នាទៅបោះតង់ដេកមាត់សមុទ្រ ភ្ញាក់ព្រឹកឡើងឃើញក្រពើមកសួរសុទ្ធទុក្ខដល់មុខតង់

រឿងរ៉ាវដ៏គួរឱ្យហួសចិត្តមួយបានកើតឡើងចំពោះក្រុមមិត្តភក្តិមួយក្រុម ដែលទៅបោះតង់ដេកនៅមាត់សមុទ្រ ស្រាប់តែភ្ញាក់ឡើងមកវិញ​​គាំងនិយាយមិនចេញ ព្រោះមានសត្វក្រពើធំមួយក្បាលមកសួរសុខទុក្ខដល់តង់ទាំងព្រឹក។

ហេតុការណ៍មួយនេះ បានកើតឡើងនៅមាត់សមុទ្រមួយកន្លែង នាទីក្រុង Jalisco ប្រទេសម៉ិចស៊ិក។ តាមព័ត៌មានបានឱ្យដឹងថា មានក្រុមមិត្តភក្តិមួយក្រុមបាននាំគ្នាមកលេងដោយបានយកតង់មកបោះដេកនៅទីនេះផងដែរ។ អ្វីដែលគួរឱ្យហួសចិត្តនោះ នៅពេលដែលពួកគេងើបពីដេកមកវិញ ស្រាប់តែមានក្រពើមួយក្បាលបានបង្ហាញខ្លួននៅមុខតង់នោះយ៉ាងជ្រងោរៗគួរឱ្យខ្លាច។ ជាក់ស្តែង តាមរយៈវីដេអូបានបង្ហាញឱ្យឃើញថា មានបុរសម្នាក់បានងើបមកមុន រួចក៏បានភ្ញាក់យ៉ាងខ្លាំងជាមួយនឹងវត្តមានក្រពើនេះ តែមិនហ៊ានស្រែក ឬ ដាស់មិត្តដែលកំពុងដេកឡើយ ព្រោះខ្លាចក្រពើផ្អើលទៅខាំ។

យ៉ាងណាមិញ ជាសំណាងហេតុការណ៍នេះមិនបានបណ្តាលឱ្យមានអ្នកគ្រោះថ្នាក់នោះទេ ហើយក្រោយពីនោះខាងអាជ្ញារក៏បានដាស់តឿនផងដែរ មិនថាទៅដើរលេងនៅទីណាគួរតែគិត និង ប្រយ័ត្នមុនគេទៅលើរឿងសត្វកាច ឬក៏សត្វព្រៃ ព្រោះពេលខ្លះយើងមិនអាចមានសំណាងរហូតនោះទេ។ ដោយឡែក មហាជនវិញក៏ភ្ញាក់ផ្អើលមិនចាញ់គ្នាដែរនូវករណីនេះ តែយ៉ាងណាក៏ដោយក៏នៅតែមានអ្នកមួយចំនួនមិនជឿដូចគ្នា៕