(វីដេអូ) ឃ្យូតៗណាស់! ថតជាប់សកម្មភាពធ្លាក់ពីលើដើឈើរបស់ ខ្លាឃ្មុំផេនដា គួរឱ្យអាណិត តែទប់សំណើចមិនបាន

ផេនដា (Panda) គឺជាសត្វដ៏គួរឱ្យស្រឡាញ់មួយប្រភេទ ឬ សម្តៅដល់ខ្លាឃ្មុំម្យ៉ាងដែលជានិម្មិតរូបតំណាងដ៏សំខាន់នៃប្រទសចិន ហើយតាមរយៈការសិក្សាពីផូស៊ីលបានបង្ហាញថា ខ្លាឃ្មុំផេនដា មានជីវិតនៅលើផែនដីនេះអស់រយៈពេល ៨ លានឆ្នាំមកហើយ ដែលបានចូលរួមបង្កើតតម្លៃវិទ្យាសាស្ត្រអេកូឡូស៊ី វប្បធម៌ និង សោភ័ណភាព ពិសេសនៅក្នុងដំណើរការប្រវត្តិសាស្ត្រនៃការការពារជីវចម្រុះ ជាគំរូមួយសម្រាប់ការពារប្រភេទសត្វ ដែលជិតផុតពូជនៅក្នុងពិភពលោក។

សម្រាប់ចិន ខ្លាឃ្មុំផេនដា គឺជាអត្តសញ្ញាណមួយរបស់មហាយក្សនៅអាស៊ីមួយនេះ ប៉ុន្តែចំនួនរបស់សត្វខ្លាឃ្មុំផេនដា មានការកើនឡើងយឺត ហើយសត្វខ្លាឃ្មុំផេនដាគឺជាសត្វមួយក្នុងចំណោមសត្វកម្រៗជាច្រើនប្រភេទ និង ជាសត្វងាយរងគ្រោះផងដែរនៅលើពិភពលោក។

យ៉ាងណាមិញ មនុស្សជាច្រើនបានដឹងថា សត្វផេនដា គឺជាខ្លាឃ្មុំគួរឱ្យស្រឡាញ់ និង ខ្ជិលមួយ ព្រោះភាគច្រើនក្នុងមួយថ្ងៃសត្វខ្លាឃ្មុំផេនដា មិនធ្វើអ្វីច្រើនក្រៅពីដេក និង ស៊ីឫស្សីជាចំណីនោះទេ ប៉ុន្តែតាមពិតទៅក្រៅពីស៊ី និង ដេក ផេនដាក៏មានសកម្មភាពលេងប្លែកៗមួយចំនួនដែរ ថែមទាំងពេលខ្លះវាចេះងរទៀតផង។

ជាក់ស្ដែងកាលពីពេលថ្មីៗនេះ នៅក្នុងបណ្ដាញសង្គម TikTok មួយបានបង្ហោះវីដេអូចែករំលែកពីសកម្មភាពសត្វខ្លាឃ្មុំផេនដាលេងសប្បាយ ដោយបានធ្វើឱ្យមនុស្សជាច្រើនផ្ទុះសំណើច ព្រោះសត្វទាំងនោះហាក់មិនខ្វល់អ្វីទាំងអស់ ហើយបានធ្លាក់ពីដើមឈើ មើលទៅគួរឱ្យអស់សំណើចណាស់។ សូមចុចតំណខាងក្រោម ដើម្បីទស្សនាវីដេអូពីសកម្មភាពប្លែកៗរបស់ខ្លាឃ្មុំផេនដា

https://www.tiktok.com/@panda___china/video/7316033005196152065

https://vt.tiktok.com/ZSFd5KMjL

https://vt.tiktok.com/ZSFdarm9V

https://vt.tiktok.com/ZSFdaMJFm