មួយរយៈក្រោយនេះទឹកទន្លេចៅផ្រះយ៉ាបំបុកឡើងយ៉ាងគំហុក ដែលធ្វើឱ្យខេត្តទាំងឡាយដែលនៅជុំវិញនោះ ក៏ដូចជាក្រុងបាងកក កំពុងតែប្រឈមនឹងហានិភ័យទឹកជំនន់វាយប្រហារពន្លិចធ្ងន់ធ្ងរដូចកាលពីឆ្នាំ ២០១១ កន្លងទៅ។
យ៉ាងណាមិញ ទោះបីជាអាជ្ញាធរមានការត្រៀមខ្លួន ឬប្រុងប្រយ័ត្នយ៉ាងណាក្តី កាលពីថ្ងៃទី ១២ ខែវិច្ឆិកា ឆ្នាំ ២០២៥ ទៅនេះ ខឿនទន្លេចៅផ្រះយ៉ាមិនបានទប់កម្លាំងទឹកដ៏ខ្លាំងក្លាបានទៀតឡើយ ហើយក៏បានបែកបណ្តាលឱ្យទឹកហូរចូលក្នុងស្រុកភូមិប្រជាជនយ៉ាងធ្ងន់ធ្ងរ។ ក្នុងនោះ តាមរយៈសារព័ត៌មានបាន CH7 បានឱ្យដឹងថា ខឿនទន្លេចៅផ្រះយ៉ាបានបែក ដែលធ្វើឱ្យហូរយ៉ាងគំហុកចូលទៅក្នុងស្រុកអ៊ិនបុរី ខេត្តស៊ីងបុរី។
សារព័ត៌មាន CH7 ក៏បានចែកចាយវីដេអូមួយផងដែរ បង្ហាញពីស្ថានភាពទឹកកំពុងហូរយ៉ាងខ្លាំងកាត់តាមផ្ទះប្រជាជនជាច្រើន ដែលមើលទៅគួរឱ្យខ្លាច។ លើសពីនេះទៀត ហេតុការណ៍នេះបានកើតឡើងយ៉ាងទាន់ហន់ ដែលប្រជាជនមួយចំនួនមិនទាន់ទាំងបានត្រៀមខ្លួនផង និងកំពុងជាប់នៅក្នុងផ្ទះក៏មានដែរ ហើយមកទល់ពេលនេះខាងអាជ្ញាធរកំពុងតែចុះទៅជួយសង្រ្គោះ៕
សូមចុចទីនេះដើម្បីទស្សនាវីដេអូ៖
