ថ្មីៗនេះ សារព័ត៌មានបរទេស បានរាយការណ៍ករណីចោរកម្មមួយនៅចិន ដែលចោរដៃដល់បានស៊ើបមើលតាមបណ្តាញសង្គម រកផ្ទះណាមានមង្គលការ ហើយចុះទៅលួចដល់កន្លែង។
តាមព័ត៌មានបានឱ្យដឹងថា បុរសជាចោរបានប្រើប្រាស់បណ្តាញសង្គម Douyin ដើម្បីរកមើលថាតើមាននរណាម្នាក់ដែលធ្វើពិធីមង្គលការ ហើយក៏បានឃើញថាមានថៅកែម្នាក់ទើបតែរៀបការហើយថ្មីៗកាលពីថ្ងៃទី ២៩ ខែតុលា ឆ្នាំ ២០២៥ រួចបុរសនេះក៏បានបានរកទីតាំងផ្ទះរបស់ថៅកែនោះភ្លាមៗ។ នៅពេលទៅដល់ បុរសនេះបានពាក់សក់ ហើយចូលទៅលួចលុយចំណងដៃបានប្រមាណជា ៥ ម៉ឺនដុល្លារ រួចក៏បានបន្លំខ្លួនចេញមកវិញបានដោយសុវត្ថិភាព។
យ៉ាងណាមិញ នៅថ្ងៃបន្ទាប់មកម្ចាស់លុយក៏បាននាំគ្នាឆោឡោប្តឹងប៉ូលិស ឯប៉ូលិសក៏បានស៊ើបអង្កេត និងចាប់ខ្លួនបុរសជាចោរបាននៅថ្ងៃទី ២ ខែតុលា ឆ្នាំ ២០២៥ កន្លងទៅ។ បុរសជាចោរបានសារភាពថាខ្លួនជាមនុស្សវក់នឹងការភ្នាល់ និងជំពាក់បំណុលគេច្រើនណាស់ ទើបរកនឹកវិធីលួចលុយចំណងដៃការគេ ហើយក៏មិនមែនលួចជាលើកទីមួយដែរ៕
