ពិតជាគួរឱ្យសរសើរនូវការព្យាយាមបុរសជនជាតិកាណាដាម្នាក់ ដែលខំរើកកាយវាលចាក់សំរាមចំនួន ១៨ តោន ដើម្បីរកចិញ្ចៀនរៀបការឱ្យប្រពន្ធ ក្រោយពីនាងបានច្រឡំធ្វើបាត់ទៅជាមួយនឹងសំរាម។
តាមព័ត៌មានបានឱ្យដឹងថា នៅថ្ងៃកើតហេតុស្រ្តីជាប្រពន្ធបានធ្វើឱ្យនំពោតផ្ទុះកំពប់នៅក្នុងសួនច្បារ ហើយនាងក៏ប្រញាប់សម្អាតដោយប្រមូលនំដែលជ្រុះទៅដាក់នៅក្នុងធុងសំរាមកាកសំណល់អាហារ តែចៃដន្យនាងបានធ្វើឱ្យរបូតចិញ្ចៀនរៀបការទៅជាមួយ ហើយស្របពេលដែលដឹងខ្លួន សំរាមរបស់នាងក៏ត្រូវឡានមកប្រមូលទៅបាត់ទៅហើយ។
យ៉ាងណាមិញ មិនទុកយូរឡើយ ស្អែកឡើងបុរសនេះបាននាំប្រពន្ធទៅកាន់វាលចាក់សំរាមដែលនៅជិតផ្ទះ ហើយក៏បានសុំអាជ្ញាធរចូលទៅរកចិញ្ចៀនឱ្យនាង ទាំងដែលស្រ្តីជាប្រពន្ធគ្មានសង្ឃឹមក្នុងការរកឃើញទាល់តែសោះ។ ក្នុងនោះអាជ្ញាធរក៏បានព្យាយាមជួយរកផងដែរ ហើយក្រោយពីខំប្រឹងព្យាយាមចុងក្រោយបុរសនេះក៏បានរកឃើញចិញ្ចៀនទាំង ២ វង់បានសម្រេច ដែលធ្វើឱ្យប្រពន្ធស្រក់ទឹកភ្នែកដោយក្តីរំភើបជាខ្លាំង៕
ប្រភព៖ Khaosod
