សារព័ត៌មាន Etoday បានរាយការណ៍ពីរឿងរ៉ាវរបស់បុរសជនជាតិតៃវ៉ាន់ម្នាក់ ដែលចូលទៅមើលរឿងអាសអាភាស ចៃដន្យស្រាប់តែឃើញប្រពន្ធខ្លួនឯងជាតួស្រី ឈឺចិត្តប្តឹងនាងសុំលែងលះភ្លាមៗ។
តាមព័ត៌មានបានឱ្យដឹងថា បុរសរូបនេះ និងប្រពន្ធបានរៀបការជាមួយគ្នាតាំងពីឆ្នាំ ២០០០ មកម្ល៉េះ ហើយក៏មានកូនៗធំអស់ទៅហើយដែរ។ នៅក្នុងឆ្នាំ ២០១៩ ទំនាក់ទំនងរវាងប្តីប្រពន្ធទាំងគូក៏កាន់តែល្អក់កករទៅ ដោយបានចាប់ផ្តើមដេកបែកបន្ទប់ ហើយចុងក្រោយបុរសជាប្តីទ្រាំមិនបានក៏ចេញទៅនៅជាមួយកូនវិញ។ យ៉ាងណាមិញ ក្រោយមកក្នុងឆ្នាំ ២០២៣ នៅថ្ងៃមួយបុរសជាប្តីបានបើកវេបសាយមើលរឿងអាសអាភាស ក៏ស្រាប់តែឃើញមានវីដេអូឃ្លីបរបស់ប្រពន្ធជាមួយប្រុសផ្សេង ទើបឈឺចិត្តខ្លាំងពេកក៏បានប្តឹងនាងឡើងតុលាការដើម្បីលែងលះ និង បែងចែកទ្រព្យសម្បត្តិ។
ដោយឡែក នៅតុលាការស្រ្តីជាប្រពន្ធបានប្រកែកថានាងមិនមែនជាមនុស្សស្រីនៅក្នុងឃ្លីបវីដេអូនោះឡើយ តែចុងក្រោយតុលាការក៏បានកាត់ក្តីឱ្យលែងលះគ្នា ហើយបង្គាប់ឱ្យខាងស្រីឱ្យលុយទៅខាងប្រុសប្រមាណជា ៤.៩៩ លានដុល្លារតៃវ៉ាន់ ដែលស្មើប្រមាណជា ១៦ ម៉ឺនដុល្លារអាមេរិក៕
ប្រភព៖ Kapook
