ជារឿងដ៏គួរឱ្យភ្ញាក់ផ្អើល នៅយប់ថ្ងៃទី ០៧ ខែកុម្ភៈ ឆ្នាំ ២០២៥ កន្លងទៅនេះ មានករណីបុរសម្នាក់បានយកកាំភ្លើង AK បាញ់ប្រហារឪពុកក្មេក និង ម្ដាយក្មេកបណ្ដាលឱ្យស្លាប់ក្នុងថ្លុកឈាម ហើយបានបាញ់ប្រហារប្រពន្ធ និង បង រួមទាំងប្រជាការពារម្នាក់រងរបួសធ្ងន់ រួចទើបបាញ់សម្លាប់ខ្លួនឯងតាមក្រោយ ចំណុចស្ថិតក្នុងភូមិអំពុក ឃុំក្រែក ស្រុកពញាក្រែក ខេត្តត្បូងឃ្មុំ។

ទាក់ទិនទៅនឹងរឿងនេះ តាមប្រភពព័ត៌មានបានឱ្យដឹងថា បុរសដែលជាខ្មាន់កាំភ្លើងបាញ់ប្រហារក្នុងករណីនេះ គឺជាមន្ដ្រីអាវុធហត្ថ ឈ្មោះ ហ៊ីង សុវណ្ណរិទ្ធ បានបាញ់ប្រហារបណ្ដាលឱ្យឪពុកក្មេកស្លាប់ ម្ដាយក្មេកស្លាប់ ខណៈប្រពន្ធ និង បងថ្លៃរងរបួសធ្ងន់ ព្រមទាំងប្រជាការពារម្នាក់រងរបួសធ្ងន់ ទើបខ្មាន់កាំភ្លើងបាញ់សម្លាប់ខ្លួនឯងតាមក្រោយ។


ហេតុការណ៍ដែលនឹកស្មានមិនដល់នេះ បានបណ្ដាលឱ្យមានមនុស្សស្លាប់ ៣ នាក់ និង របួសធ្ងន់ ៣ នាក់ ខណៈដើមហេតុ មិនទាន់ត្រូវបានសមត្ថកិច្ចបញ្ជាក់ឱ្យដឹងនៅឡើយទេ ព្រោះកំពុងសួរនាំអ្នកពាក់ព័ន្ធ និង ស្រាវជ្រាវទីតាំងកើតហេតុ ក្នុងផ្ទះជនរងគ្រោះ៕


ប្រភព : Fresh News