ត្រៀមគាំទ្រ! គ្រាប់ពេជ្រកម្ពុជា ខាន់ ចេសា នឹងប្រកួតក្នុងកម្មវិធីដ៏ល្បី ដណ្ដើមខ្សែក្រវ៉ាត់ ONE ប៉ុន្មានថ្ងៃទៀត

សហព័ន្ធកីឡាជឺជីតស៊ូកម្ពុជា នៅថ្ងៃទី ១៩ ខែកក្កដា ឆ្នាំ ២០២៣ បានបញ្ជាក់ឱ្យបានដឹងថា គ្រាប់ពេជ្រកម្ពុជា កីឡាការិនី ខាន់ ចេសា នឹងត្រូវប្រកួតជាមួយកីឡាការនី Danielle Kelly នៅព្រឹត្តិការណ៍ដ៏ល្បី ONE Fight Night 14 របស់ ONE Championship។

បើតាមការឱ្យដឹងពី សហព័ន្ធកីឡាជឺជីតស៊ូកម្ពុជា ព្រឹត្តិការណ៍ ONE Fight Night 14 របស់ ONE Championship ដែល ខាន់ ចេសា ប្រកួត នឹងត្រូវធ្វើឡើងនៅថ្ងៃទី ៣០ ខែកញ្ញា ឆ្នាំ ២០២៣ ខាងមុខនេះ។

សូមរំឭកផងដែរថា ក្នុងឱកាសកម្ពុជា ធ្វើជាម្ចាស់ផ្ទះស៊ីហ្គេមលើកទី ៣២ ឆ្នាំ ២០២៣ កីឡាការិនី ខាន់ ចេសា បានតំណាងឱ្យកម្ពុជា ដណ្ដើមបានមេដាយមាស លើប្រភេទវិញ្ញាសាកីឡាជឺជីតស៊ូ លើកមុខមាត់ជាតិមាតុភូមិ នាំយកនូវមោទភាពជូនប្រជាជាតិកម្ពុជា៕