អ៊េមអស់ស្ទះ! កំពូលកីឡាករបាល់ទាត់ Cristiano Ronaldo បំបែកកំណត់ត្រាថ្មីមួយទៀតហើយ

សារព័ត៌មាន BBC នៅថ្ងៃទី ២១ ខែមិថុនា ឆ្នាំ ២០២៣ នេះ បានចុះផ្សាយថា កីឡាករឆ្នើមលំដាប់ពិភពលោក និង ជាប្រធានក្រុមបាល់ទាត់ជម្រើសជាតិព័រទុយហ្គាល់ Cristiano Ronaldo បានរកគ្រាប់បាល់ឈ្នះនៅនាទីចុងក្រោយ កាលពីយប់ថ្ងៃទី ២០ ខែមិថុនា ឆ្នាំ ២០២៣ កន្លងទៅ ដោយបានបង្កើតជារាត្រីប្រវត្តិសាស្ត្រមួយរបស់លោក និង បានក្លាយជាកីឡាករបុរសដំបូងគេបង្អស់ ដែលបានបង្ហាញខ្លួនឱ្យក្រុមជម្រើសជាតិចំនួន ២០០ លើក។

នៅក្នុងការប្រកួតជម្រុះ Euro 2024 ក្រុមជម្រើសជាតិព័រទុយហ្គាល់ បានយកឈ្នះលើក្រុមជម្រើសជាតិអ៊ីស្លង់ ក្នុងលទ្ធផល ១-០ ដែលនេះជាការបង្ហាញខ្លួនលើកទី ២០០ របស់កីឡាករវ័យ ៣៨ ឆ្នាំ និង ជាគ្រាប់បាល់ទី ១២៣ របស់ Ronaldo សម្រាប់ក្រុមជម្រើសជាតិរបស់លោក ព្រមទាំងជាជ័យជម្នះមួយ ដែលបានជួយឱ្យលោកជាប់ឈ្មោះក្នុងបញ្ជីកំណត់ត្រាពិភពលោក (Guinness World Record) ក្លាយជាកីឡាករបុរសដំបូងគេបង្អស់ ដែលបានបង្ហាញខ្លួនឱ្យក្រុមជម្រើសជាតិច្រើនជាងគេក្នុងប្រវត្តិសាស្រ្ត។

នេះគឺជាឆ្នាំទី ២០ ហើយ ដែលកីឡាករ Ronaldo បានលេងឱ្យជម្រើសជាតិព័រទុយហ្គាល់ ដោយលោកបានបង្ហាញខ្លួនជាអន្តរជាតិលើកដំបូងក្នុងឆ្នាំ ២០០៣។ លោកក៏ជាអតីតខ្សែប្រយុទ្ធ Sporting Lisbon, Manchester United, Real Madrid និង Juventus ដែលបានឈ្នះ Ballon d’Or ចំនួន ៥ ដង ខណៈដែលបច្ចុប្បន្ននេះ លោកគឺជាកីឡាករលេងនៅក្រៅទ្វីបអឺរ៉ុប និងកំពុងលេងឱ្យក្លឹបអារ៉ាប់ ALNassr Saudi ។

បើយើងងាកមកមើលពីគ្រាប់បាល់ទី ៥ របស់លោកក្នុងការប្រកួតជម្រុះ Euro 2024 កាលពីយប់ថ្ងៃទី ២០ ខែមិថុនាកន្លងទៅ គឺបានជួយឱ្យព័រទុយហ្គាល់ ឈ្នះបួនដងពីការប្រកួតចំនួន ៤ និង មាន ១២ ពិន្ទុ ក្នុងការប្រកួតជើងឯកនេះ ដើម្បីឡើងទៅកាន់វគ្គបន្តទៀត។ ហើយខាងក្រោមនេះគឺជា តារាងឈ្មោះរបស់កីឡាករ ១០ រូប ដែលបង្ហាញខ្លួនឱ្យជម្រើសជាតិច្រើនជាងគេបំផុត សូមតាមដានទាំងអស់គ្នា៖

ប្រភព ៖ BBC